Enter your Email Address to subscribe to our newsletters
पश्चिमी सिंहभूमः, 16 जुलाईमासः(हि.स.)।
भारतीयजनतापक्षस्य पश्चिमीसिंहभूमजिलाध्यक्षः गीता बालमुचू भारतसर्वकारस्य इस्पातमन्त्रालयस्य अधीनस्थया सार्वजनिकक्षेत्रीयया ओडिशा मिनरल्स डेवलपमेण्ट कम्पनी लिमिटेड् (ओएमडीसी) इत्याख्यया संस्थया स्वतन्त्रनिदेशकरूपेण नियुक्ता। अस्याः नियुक्तेः अवसरे भाजपानेतारः कार्यकर्तारश्च हर्षं प्रकट्य प्रधानमन्त्री नरेन्द्रमोदिनं केन्द्रसर्वकारं च प्रति कृतज्ञतां व्यक्तवन्तः।
एषा सूचना भाजपाया पश्चिमीसिंहभूमजिलमाध्यमप्रभारी जितेन्द्रनाथः ओझा गुरुवासरे प्रकाशितया प्रेसविज्ञप्त्या प्रदत्ता। विज्ञप्तौ उक्तं यत् गीता बालमुचू इत्यस्याः नियुक्तिः केवलं वैयक्तिकसफलता न, अपितु झारखण्डस्य, कोल्हानप्रदेशस्य, पश्चिमीसिंहभूमजिलस्य, आदिवासिसमाजस्य च गौरवस्य प्रतीकः अस्ति। पक्षेनोक्तं यत् केन्द्रसर्वकारः विविधासु महत्त्वपूर्णासु संस्थासु सार्वजनिकोपक्रमेषु च आदिवासिसमाजस्य प्रतिनिधित्वं निरन्तरं प्रोत्साहयति।
विज्ञप्त्यानुसारं गीता बालमुचू दीर्घकालात् भाजपासङ्गठनेन सम्बद्धा वर्तते। सा सङ्गठनकार्येषु जनप्रतिनिधिरूपेण च सक्रियां भूमिकां निर्वहति स्म। चाईबासानगरपरिषदः अध्यक्षा भूत्वा पञ्चवर्षपर्यन्तं नगरस्य विकासकार्याणि सफलतया नेतृत्वेन अनयत्। वर्षे २०२४ तमे विधानसभानिर्वाचने भाजपया सा चाईबासाविधानसभाक्षेत्रात् स्वप्रत्याशिरूपेण नामनिर्दिष्टा आसीत्। तदतिरिक्तं सा पक्षस्य अनेकाः सङ्गठनात्मकदायित्वानि सफलतया निर्वहति स्म।
भाजपया उक्तं यत् पश्चिमीसिंहभूमजिले अधिकांशाः जनप्रतिनिधयः झारखण्डमुक्तिमोर्चातः काँग्रेसपक्षात् च सन्ति, तथापि पक्षेन गीता बालमुचू इत्यस्यामेव विश्वासं निधाय तस्यै जिलाध्यक्षपदस्य दायित्वं समर्पितम्। अधुना केन्द्रसर्वकारेण ओएमडीसी-संस्थायां स्वतन्त्रनिदेशकरूपेण तस्याः नियुक्तिः तस्याः अनुभवानां, नेतृत्वक्षमतायाः, सार्वजनिकजीवने योगदानस्य च मान्यता अस्ति।
पक्षस्य मते ओडिशा मिनरल्स डेवलपमेण्ट कम्पनी देशस्य प्रमुखेषु सार्वजनिकखननोपक्रमेषु अन्यतमा अस्ति। स्वतन्त्रनिदेशकरूपेण गीता बालमुचू संस्थायाः नीतिनिर्णयेषु, पारदर्शितायां, सामाजिकदायित्वे, पर्यावरणसंरक्षणे, जनहितसम्बद्धविषयेषु च स्वकर्तव्यं निर्वहिष्यति। भाजपया आशा व्यक्ता यत् तस्याः उपस्थित्या खनिजसम्पदायुक्तानाम् आदिवासिप्रदेशानां स्वरः राष्ट्रियस्तरे अधिकप्रभावकारितया श्राव्यः भविष्यति।
भाजपया एषा नियुक्तिः आदिवासिसमाजस्य, विशेषतः महिलानां युवानां च कृते प्रेरणादायिनी इति वर्णिता। पक्षेन विश्वासः व्यक्तः यत् गीता बालमुचू स्वस्य नूतनदायित्वं सफलतया निर्वक्ष्यति।
---------------
Hindusthan Samachar / Dheeraj Maithani