राञ्चीनगरम्, १६ जुलाईमासः (हि.स.)। भगवतः श्रीजगन्नाथस्य पावन-रथयात्रायाः अवसरे झारखण्डस्य राज्यपालः सन्तोषकुमार-गङ्गवारः, मुख्यमन्त्री हेमन्त-सोरेनः तथा विधायकः कल्पना-सोरेनः प्रदेशवासिभ्यः हार्दिक-शुभकामनाः प्रदत्तवन्तः। सर्वैः नेतृभिः भगवन्तं जगन्नाथं प्रति राज्ये सुख-शान्ति-समृद्धेः सुखमय-जीवनस्य च कामना कृता।

राज्यपालः सन्तोषकुमार-गङ्गवारः गुरुवासरे सामाजिक-माध्यमे एक्स इत्यत्र प्रकाशिते स्वसन्देशे उक्तवान् यत् भगवतः श्रीजगन्नाथस्य पावन-रथयात्रायाः शुभावसरे सर्वेभ्यः हार्दिक-शुभकामनाः। तेन कामना कृता यत् महाप्रभोः जगन्नाथस्य, भगवतः बलभद्रस्य तथा देवी-सुभद्रायाः कृपया सर्वेषां जीवने सुखं, शान्तिः, समृद्धिः तथा उत्तम-स्वास्थ्यं वर्धताम्।

मुख्यमन्त्री हेमन्त-सोरेनः स्वस्य शुभकामना-सन्देशे उक्तवान् यत् महाप्रभोः श्रीजगन्नाथस्य, भगवतः बलभद्रस्य तथा मातुः सुभद्रायाः कृपा सर्वेषां जीवने सुखं, शान्तिं, समृद्धिं तथा उत्तम-स्वास्थ्यं आनयतु। तेन उक्तं यत् रथयात्रायाः एतत् पावनं पर्व सेवा-समरसता-श्रद्धा-मानवतायाः मार्गे अग्रे गन्तुं प्रेरणां ददाति। मुख्यमन्त्रिणा रथयात्रा सामाजिक-ऐक्यस्य, पारस्परिक-सौहार्दस्य तथा सांस्कृतिक-परम्परायाः प्रतीकरूपेण वर्णिता, सर्वेषां मङ्गलमय-जीवनस्य च कामना कृता।

मुख्यमन्त्रिणः धर्मपत्नी गाण्डेय-विधानसभा-क्षेत्रस्य विधायकः कल्पना-सोरेनः अपि झारखण्डवासिभ्यः भगवतः जगन्नाथस्य रथयात्रायाः शुभकामनाः प्रदत्तवती। तया प्रभुं जगन्नाथं प्रति प्रार्थना कृता यत् राज्यस्य प्रत्येकं परिवारे सुखं, शान्तिः, समृद्धिः च सदैव विराजेत्।

Hindusthan Samachar / Divya Ranjan