Enter your Email Address to subscribe to our newsletters
मथुरा, 16 जुलाईमासः(हि.स.)। नगरपञ्चायतबलदेवे षड्विंशतिलक्षरूप्यकव्ययेन निर्मितस्य विश्रामालयस्य लोकार्पणं सम्पन्नमपि सति तत् अद्यापि अपूर्णमेव स्थितम्। यात्रिणः अद्यापि बहिः उपवेष्टुं विवशाः सन्ति, यतः निर्माणकार्यं स्थगितम् अस्ति। अस्मिन् विषये प्रतिनिधेः नगरपञ्चायताध्यक्षस्य च परस्परविरुद्धवक्तव्ये समुपस्थिते, येन परियोजनायाः पारदर्शितायाः विषये प्रश्नाः उत्पन्नाः सन्ति।
बलदेवस्य प्राचीनबसस्थानके निर्मितस्य अस्य विश्रामालयस्य लोकार्पणं गतद्वादशमेदिने मथुरासांसदा हेमामालिन्या कृतम्। शिलापट्टिकायां मुख्यमन्त्रिणः नामापि उत्कीर्णम् अस्ति। परिसरे केवलम् एकः लघु सभागारः निर्मितः अस्ति, यस्मिन् ताला स्थापितः अस्ति। दाऊजीमहाराजस्य दर्शनार्थं बहिः प्रदेशेभ्यः आगच्छन्तः श्रद्धालवः यात्रिणश्च अस्य अपूर्णविश्रामालयस्य लाभं न प्राप्नुवन्ति, बहिरेव उपविष्टाः दृश्यन्ते।
निर्माणकार्यं कुर्वत्याः राधिकाकन्स्ट्रक्शनसंस्थायाः परिचालकप्रतिनिधिः रिंकूअग्रवाल अवदत् यत् षड्विंशतिलक्षरूप्यकनिविदायाम् एकः सभागारः, उपरि द्वौ कक्षौ, सोपानम्, शौचालयः तथा जलव्यवस्थापनस्य कार्यम् अन्तर्भूतम् आसीत्। तेन उक्तं यत् देयधनस्य अप्राप्तेः कारणात् अग्रिमनिर्माणकार्यं स्थगितम्।
अस्मिन् सम्पूर्णे प्रकरणे अधुना अनेकाः गम्भीराः प्रश्नाः उद्भवन्ति। यदि पर्याप्ता भूमिः नासीत्, तर्हि षड्विंशतिलक्षरूप्यकप्रस्तावस्य अनुमोदनं कस्मात् आधारेण कृतम्। यदा निर्माणकार्यं सम्पूर्णं नाभवत्, तदा सांसदया हेमामालिन्या लोकार्पणं किमर्थं कारितम्। षड्विंशतिलक्षरूप्यकपरियोजनायाः अवशिष्टधनराशेः किमभवत्, तस्य लेखाजोखा कः अस्ति। स्थानीयजनैः अस्य सम्पूर्णप्रकरणस्य निष्पक्षतया अन्वेषणं क्रियताम्, परियोजनायाः व्ययस्य निर्माणकार्यस्य च सम्पूर्णविवरणं सार्वजनिकं क्रियताम् इति मागणी कृता।
अन्यतः नगरपञ्चायताध्यक्षः मुरारीलालअग्रवाल अवदत् यत् स्थानस्य अल्पतायाः कारणात् निर्माणकार्यं सम्पूर्णं कर्तुं न शक्यते स्म। शीघ्रमेव अस्य समस्यायाः समाधानं करिष्यते।
Hindusthan Samachar / Dheeraj Maithani