Enter your Email Address to subscribe to our newsletters
नागरिक उड्डयन मंत्री संशोधिते 'उड़ान' इत्यस्मिन् स्टेकहोल्डरकार्यशालायाः कृतम् उद्घाटनम्
नव दिल्ली, 16 जुलाईमासः (हि.स)।केन्द्रीयनागरिकविमाननमन्त्री किंजरापु राममोहन नायडू गुरुवासरे अवदत् यत् उडान योजनायाः आगामीचरणस्य प्रमुखलक्ष्यं नवीनानां १२० स्थानानां कृते वायुसम्पर्कस्य विस्तारं कर्तुं तथा आगामिदशवर्षेषु चत्वारि कोटि यात्रिकान् विमानयात्रायाः अवसरं प्रदातुम् अस्ति। किंजरापु राममोहन नायडू नूतनदिल्लीस्थिते विज्ञानभवने संशोधितायाः उडान योजनायाः आगामीचरणविषये आयोजितायाः हितधारककार्यशालायाः उद्घाटनसमारोहे स्वसम्बोधने एतद् उक्तवान्। नागरिकविमाननमन्त्री अवदत् यत् अस्यां परिवर्तितायां योजनायां वायबिलिटी गैप फण्डिङ्ग इत्यस्य पात्रतायाः परिधिः विस्तारितः अस्ति तथा विमानपरिवहनसंस्थाभ्यः प्रदीयमानसहायतायाः अवधि त्रिवर्षेभ्यः पञ्चवर्षपर्यन्तं वर्धिता अस्ति।
नायडू अवदत् यत् उडान योजनायाः आगामीचरणविषये आयोजितां कार्यशालां सम्बोधयन् चयनितानां टियर २ तथा टियर ३ विमानस्थानकानां कृते सञ्चालनस्य अनुरक्षणस्य च साहाय्यसुविधा अपि प्रारब्धा अस्ति। तेन उक्तं यत् योजनायाः आगामीचरणस्य कृते सरकारेण २९ सहस्रकोटिरूप्यकाणां वित्तीयव्ययः निर्धारितः अस्ति, यस्य लक्ष्यं आगामिदशके शताधिकानां नवीनविमानस्थानकानां तथा द्विशताधिकानां हेलिपोर्टानां निर्माणम् अस्ति। केन्द्रीयमन्त्री अवदत् यत् उडान योजनायाः आगामीचरणं देशे एव विमाननिर्माणस्य प्रोत्साहनं दास्यति, अनुरक्षण मरम्मत पुनरुद्धार व्यवस्थां सुदृढां करिष्यति, रोजगारसृजनं करिष्यति तथा प्रादेशिकार्थिकविकासं संवर्धयित्वा आत्मनिर्भरभारतस्य अभियानं अधिकं सशक्तं करिष्यति।
नागरिकविमाननमन्त्रालयेन प्रकाशिते विज्ञप्तिपत्रे उक्तं यत् अस्याः कार्यशालायाः उद्घाटनं केन्द्रीयनागरिकविमाननमन्त्रिणा राममोहन नायडू किंजरापु इत्यनेन कृतम्। अस्मिन् अवसरे नागरिकविमाननराज्यमन्त्री मुरलीधर मोहोल, नागरिकविमाननमन्त्रालयस्य सचिवः समीर कुमार सिन्हा तथा एयरपोर्ट्स अथॉरिटी ऑफ इण्डिया इत्यस्य अध्यक्षः विपिन कुमार अपि उपस्थिताः आसन्। उल्लेखनीयं यत् संशोधिता उडान योजना प्रधानमन्त्री नरेन्द्र मोदी इत्यनेन २०२६ तमवर्षस्य जुलैमासस्य ०४ दिनाङ्के जोधपुरविमानस्थानकात् प्रारब्धा आसीत्। अस्याः योजनायाः विस्तारः आगामिदशवर्षाणां कृते कृतः अस्ति, यस्य ऐतिहासिकः वित्तीयव्ययः २८८४० कोटिरूप्यकाणि अस्ति।
--------------------
हिन्दुस्थान समाचार / Dheeraj Maithani