– बौद्ध-दर्शनं सतत-विकासस्य प्रकृति-संरक्षणस्य च प्रभावी मार्गः इति प्रतिपादितम्

मिरजापुरम्, १६ जुलाईमासः (हि.स.)। अन्ताराष्ट्रिय-बौद्ध-शोध-संस्थानस्य, लखनऊनगरस्थितस्य तथा के.बी.पी.जी.-महाविद्यालयस्य संयुक्त-तत्त्वावधाने आयोजितायां सप्तदिवसीयायां ‘बोधि-पथ’ कार्यशालायाः तृतीये दिने गुरुवासरे पर्यावरण-संरक्षणं सतत-विकासं च विषयीकृत्य विशेषज्ञैः विस्तरेण स्वविचाराः प्रस्तुताः। वक्तारः अवदन् यत् बौद्ध-दर्शनं प्रकृतेः जीव-जन्तूनां च संरक्षणस्य सशक्तं सन्देशं ददाति, यः वर्तमान-समये अत्यन्तं प्रासङ्गिकः अस्ति।

प्रथम-सत्रे काशी-हिन्दू-विश्वविद्यालयस्य इतिहास-विभागस्य सह-आचार्या डॉ. सीसा-मिश्रा ‘सतत-विकासे पर्यावरण-संरक्षणे च बौद्ध-दृष्टिकोणः’ इति विषये व्याख्यानं दत्त्वा सरांसि, नद्यः, वनस्पतयः, वन्यजीवाश्च संरक्षितव्याः इति प्रतिपादितवती। तया उक्तं यत् प्रकृत्या सह सन्तुलितः सम्बन्धः एव मानव-जीवनस्य विकासस्य च आधारशिला अस्ति।

द्वितीय-सत्रे काशी-नरेश-राजकीय-स्नातकोत्तर-महाविद्यालयस्य, ज्ञानपुरस्थितस्य (भदोही), दर्शनशास्त्र-विभागस्य सह-आचार्यः डॉ. श्रीप्रकाश-तिवारी बौद्ध-दर्शने पर्यावरण-चेतनायाः समस्त-जीव-संरक्षणस्य च अवधारणां विस्तरेण व्याख्यातवान्। तेन उक्तं यत् भगवत: बुद्धस्य उपदेशाः अद्यापि पर्यावरणीय-सङ्कटात् उद्धारस्य दिशि मार्गदर्शकाः सन्ति।

कार्यक्रमस्य अध्यक्षतां प्रो. अर्चना-पाण्डेय: निर्वहितवती। कार्यशालायाः सञ्चालनं धन्यवाद-ज्ञापनं च डॉ. कुलदीप-पाण्डेयेन कृतम्। अस्मिन् अवसरे प्रो. भानुप्रताप-सिंहः, प्रो. नम्रता-मिश्रा, डॉ. रवीन्द्रप्रताप-सिंहः, डॉ. राजमणिः, डॉ. आमोद-कुशवाहः, डॉ. प्रशङ्कर-आनन्दः, डॉ. प्रभुनाथ-यादवः, डॉ. कसैले-सिंहः इत्यादयः बहवः अध्यापकाः छात्राश्च उपस्थिताः आसन्।

Hindusthan Samachar / Divya Ranjan