Enter your Email Address to subscribe to our newsletters
देहरादूनम्, 16 जुलाईमासः (हि.स.)।
लोकपर्वणः हरेलापर्वणः अवसरे गुरुवासरे उत्तराखण्डे राजनैतिकदलैः सामाजिकसङ्गठनैः पुलिसविभागेन राज्यआपदाप्रतिवादनबलेन च विभिन्नेषु स्थानेषु वृक्षारोपणं कृत्वा पर्यावरणसंरक्षणस्य सन्देशः प्रदत्तः। सर्वेषु कार्यक्रमेषु अधिकाधिकवृक्षारोपणस्य तेषां संरक्षणस्य च संकल्पः पुनः प्रतिपादितः।
भाजपाप्रदेशाध्यक्षः राज्यसभासांसदः महेन्द्रभट्टः प्रदेशमुख्यालये वृक्षारोपणं कृत्वा सङ्गठनस्य बूथस्तरीयवृक्षारोपणमहाभियानस्य शुभारम्भम् अकरोत्। तेन उक्तं यत् भाजपया प्रत्येकस्मिन् बूथे पञ्चाशत् वृक्षाणां रोपणस्य लक्ष्यं निर्धारितम् अस्ति तथा एकः वृक्षः मातुः नाम्ना इति अभियानस्य अन्तर्गतं एकमासपर्यन्तं वृक्षारोपणकार्यक्रमः सञ्चाल्यते।
भाजपाप्रदेशमहामन्त्री दीप्तिरावतभारद्वाज डोईवालास्थिते जोगीयाणाग्रामे श्रीभैरवदेवतामन्दिरपरिसरे वृक्षारोपणं कृत्वा पर्यावरणसंरक्षणं जनान्दोलनरूपेण स्थापयितुम् आह्वानम् अकरोत्। अपरतः टिहरीजनपदस्य परोगीग्रामे कृषिमन्त्री जनपदप्रभारीमन्त्री गणेशजोशी हरिग्रामस्य अयं सन्देशः एकः वृक्षः मातुः नाम्ना इति अभियानस्य अन्तर्गतं वृक्षारोपणम् अकरोत् तथा जलवायुपरिवर्तनस्य आव्हानस्य समाधानार्थं व्यापकवृक्षारोपणस्य आवश्यकता अस्ति इति अवदत्।
दूनपुलिसविभागेन अपि पुलिसलाइनपरिसरं सहितं जनपदस्य सर्वेषु थानाचौकीपरिसरेषु बृहत् वृक्षारोपणाभियानं सञ्चालितम्। वरिष्ठपुलिसअधीक्षकस्य नेतृत्वे पुलिसलाइनपरिसरे प्रायः शतं फलप्रदानानां छायाप्रदानानां च वृक्षाणां रोपणं कृत्वा पर्यावरणसंरक्षणस्य सन्देशः प्रदत्तः।
अनेनैव क्रमेण राज्यआपदाप्रतिवादनबलस्य वाहिनीमुख्यालये जॉलीग्राण्टस्थाने सेनानायकस्य अर्पणयदुवंश्याः नेतृत्वे अधिकारीभिः कार्मिकैः प्रशिक्षणरतैः रिक्रूट्सैः उत्तराखण्डपुलिसस्य सेवानिवृत्ताधिकारिभिश्च फलप्रदानानां छायाप्रदानानां च वृक्षाणां रोपणं कृतम्। सेनानायकः अवदत् यत् वृक्षारोपणं तदैव सार्थकं भवति यदा रोपितानां वृक्षाणां संरक्षणमपि पूर्णदायित्वेन क्रियते। तेन पर्यावरणसंरक्षणं दैनिकजीवनस्य अविभाज्यमङ्गं कर्तुम् आह्वानं कृतम्। राज्यआपदाप्रतिवादनबलस्य विभिन्नासु पोस्टास्वपि हरेलादिवसस्य अवसरे वृक्षारोपणाभियानं सञ्चालितम्।
अपरतः मनोरमाडोबरियालशर्मामेमोरियलफाउण्डेशन तथा काफलचैप्टर आफ गढवाल इत्येतयोः संयुक्ततया गान्धीमार्गस्थिते श्रीपञ्चायतीमन्दिरे हरेलामहोत्सवः आचरितः।
कार्यक्रमे काङ्ग्रेसनेता डा हरकसिंहरावतः, प्रदेशकाङ्ग्रेसमहिलाध्यक्षा ज्योतिरौतेला, पद्मश्री कन्हैयालालपोखरियालः तथा अन्ये वक्तारः हरेलापर्व उत्तराखण्डस्य लोकसंस्कृतेः पर्यावरणसंरक्षणस्य च पर्व अस्ति इति प्रतिपाद्य वृक्षारोपणस्य रोपितवृक्षाणां संरक्षणस्य च महत्त्वम् अवदन्। अस्मिन्नवसरे वृक्षपादपानामपि वितरणं कृतम्।
Hindusthan Samachar / Dheeraj Maithani