Enter your Email Address to subscribe to our newsletters
जबलपुरम्, 17 जुलाईमासः (हि.स.)।
दुर्गावतीनगरस्य तिलहरीनिवासिनः अष्टमासीयस्य शिशोः शिवाङ्गचौधरीस्य कृते राष्ट्रीयबालस्वास्थ्यकार्यक्रमः (आरबीएसके) आयुष्मानभारतयोजना च जीवनदायिन्यौ सिद्धे। जन्मजातहृदयरोगेण पीडितस्य शिवाङ्गस्य मुम्बईस्थिते नारायणहृदयालये सफलतया हृदयशल्यक्रिया कृता, यस्यानन्तरं तस्य स्वास्थ्यावस्थायां निरन्तरं सुधारः दृश्यते।
मुख्यचिकित्सास्वास्थ्याधिकारी शुक्रवासरे अवदत् यत् शिवाङ्गस्य नियमितस्वास्थ्यपरीक्षणकाले राष्ट्रीयबालस्वास्थ्यकार्यक्रमस्य दलस्य चिकित्सकैः तस्य हृदयरोगस्य परिचयः कृतः। आरबीएसके-कार्यक्रमस्य चिकित्सकाभ्यां डॉ. विकासझारिया तथा डॉ. गौतमीचौधरी इत्याभ्यां सम्पन्ने परीक्षणे जन्मजातहृदयरोगस्य पुष्टिरेव जाता, ततः त्वरितमेव उपचारप्रक्रिया आरब्धा।
प्रकरणस्य गम्भीरतां दृष्ट्वा मुख्यचिकित्सास्वास्थ्याधिकारी तथा सिविलसर्जनः डॉ. नवीनकोठारी इत्यस्य मार्गदर्शने आवश्यकाः सर्वाः औपचारिकताः शीघ्रतया सम्पन्नाः। स्वास्थ्यविभागस्य प्रयत्नैः शिवाङ्गस्य आयुष्मानभारतयोजनायां त्वरितं पञ्जीकरणं कृतम्, येन तस्मै निःशुल्कचिकित्सासुविधा प्राप्ता।
ततः शिशुः विशेषचिकित्सार्थं मुम्बईस्थितं नारायणहृदयालयं प्रेषितः। तत्र विशेषज्ञवैद्यदलस्य प्रयासेन २०२६ तमवर्षस्य जुलैमासस्य अष्टमे दिने तस्य सफलतया हृदयशल्यक्रिया सम्पन्ना। शल्यक्रियानन्तरं चिकित्सकैः तस्य स्वास्थ्यावस्था सन्तोषजनका इति निर्दिष्टा, सम्प्रति च तस्य स्वास्थ्ये शीघ्रगत्या सुधारः भवति।
सफलचिकित्सायाः अनन्तरं शिवाङ्गस्य परिवारे हर्षोल्लासमयः वातावरणः अभवत्। तस्य पिता भरतचौधरी तथा अन्ये परिवारजनाः मध्यप्रदेशशासनाय, जिलाप्रशासनाय, स्वास्थ्यविभागाय, नारायणहृदयालयस्य चिकित्सकदलेभ्यः तथा राष्ट्रीयबालस्वास्थ्यकार्यक्रमस्य अधिकारिभ्यः कर्मचारिभ्यश्च हार्दिकं कृतज्ञतां प्रकटितवन्तः। तेषां मते समये रोगस्य परिचयः तथा शासकीययोजनानां सहयोगः विना एतादृशः उपचारः तेषां कृते सम्भवः नाभवत्।
**स्वास्थ्यविभागस्य अधिकारिणः अवदन् यत् एतत् प्रकरणं राष्ट्रीयबालस्वास्थ्यकार्यक्रमस्य आयुष्मानभारतयोजनायाश्च प्रभावीक्रियान्वयनस्य उत्कृष्टमुदाहरणम् अस्ति। बालानां नियमितस्वास्थ्यपरीक्षणेन गम्भीररोगाणां समये परिचयः भवति, येन आवश्यकतायुक्तपरिवाराणां महती सहायता भवति। विभागस्य मते विभिन्नस्वास्थ्ययोजनानां समन्वितप्रयत्नैः न केवलम् अस्मै बालकाय नवजीवनं प्राप्तम्, अपितु जनसामान्यस्य शासकीयस्वास्थ्यसेवासु विश्वासोऽपि अधिकः सुदृढः अभवत्।
---------------
Hindusthan Samachar / Dheeraj Maithani