Enter your Email Address to subscribe to our newsletters
हरिद्वारम्,17 जुलाईमासः (हि. स.) ।मुख्यमन्त्रिणः पुष्करसिंहधामिनः नेतृत्वे राज्यसर्वकारस्य पञ्चवर्षपूर्त्यवसरे सञ्चाल्यमानयोः ‘सेवा, सुशासन एवं समर्पण’ तथा ‘जनजनस्य सरकारः, जनजनस्य द्वारे’ इत्यभियानयोः अन्तर्गतं शुक्रवासरे खानपुरविकासखण्डमुख्यालयस्य सभागारे सेवापक्षवाडाशिविरम् आयोजितम्। अस्मिन् शिविरे २४५५ जनाः विभिन्नविभागानां जनकल्याणकारीयोजनानां विषये जानकारीम् अलभन्त, तथा ४९ आवेदनपत्राणां शिकायतानां च स्थले एव समाधानं कृतम्।
कार्यक्रमम् सम्बोधयन् उत्तराखण्डवक्फबोर्डस्य अध्यक्षः शादाबशम्सः अवदत् यत् सेवापक्षवाडाशिविराणि प्रशासनस्य सामान्यजनानां च मध्ये प्रत्यक्षसंवादस्य प्रभावीमाध्यमानि सन्ति, येन जनसमस्यानां त्वरितसमाधानं सुनिश्चितं भवति।
भारतीयजनतापक्षस्य रुड़कीजनपदाध्यक्षः डॉ. … तथा उत्तराखण्डभारतीयजनतापक्षस्य प्रदेशकार्यकारिणीसदस्या देव्यानीसिंहः अवदताम् यत् प्रदेशसर्वकारेण जनहिताय अनेकाः महत्त्वपूर्णाः निर्णयाः स्वीकृताः। दूरस्थप्रदेशेष्वपि शासकीययोजनानां लाभः जनानां समीपं प्राप्यतामिति उद्देश्येन एतादृशाः शिविराः नियमितरूपेण आयोज्यन्ते।
शिविरे विभिन्नविभागैः प्रदर्शनीकक्षाः स्थापिताः, येषु शासकीययोजनानां विषये विस्तृतसूचना प्रदत्ता तथा पात्रहितग्राहिभ्यः विविधाः सेवाः अपि प्रदत्ताः।
अस्मिन्नवसरे भाजपाप्रदेशोपाध्यक्षः राकेशगिरिः, किसानमोर्चायाः देवीसिंहराणः, मण्डलाध्यक्षः भगतसिंहः, मण्डलाध्यक्षः अशोकपाण्डेयः, पूर्वमण्डलाध्यक्षः मनोजपंवारः, खण्डविकासाधिकारी आलोकगार्गेयः, विभिन्नग्रामप्रधानाः, जनप्रतिनिधयः, विभागीयाधिकारिणः तथा बहुसंख्यकाः क्षेत्रवासिनः उपस्थिताः आसन्।
--------
Hindusthan Samachar / Dheeraj Maithani