Enter your Email Address to subscribe to our newsletters
डेगाना/जयपुरम्, 18 जुलाईमासः (हि.स.)।
मुख्यमन्त्री भजनलालशर्मा अवदत् यत् कृषकस्य जीवनं सङ्घर्षस्य परिश्रमस्य धैर्यस्य च प्रतीकमस्ति। प्रतिकूलपरिस्थितिषु प्राकृतिकचुनौतिषु च सन्निहितास्वपि कृषकः प्रतिवारं नवीनाशया सह क्षेत्रमवतारति। अतः कृषकाणां समृद्धिं स्वावलम्बनं च सुनिश्चितीकर्तुमेव राष्ट्रस्य प्रदेशस्य च समग्रविकासस्य दृढतमोऽधारः वर्तते। ते अवदन् यत् प्रधानमन्त्रीनरेन्द्रमोदिनः नेतृत्वे गतद्वादशवर्षेषु कृषिक्षेत्रे व्यापकाः परिवर्तनाः अभवन् तथा कृषककल्याणं शासनस्य सर्वोच्चप्राथमिकतारूपेण प्रतिष्ठापितम्।
मुख्यमन्त्री शुक्रवासरे नागौरजनपदस्य डेगानाक्षेत्रस्य तिलानेशग्रामे आयोजितायां ग्रामविकासचौपालायां कृषकैः पशुपालकैः युवभिश्च सह संवादं कृतवन्तः। अस्मिन् अवसरे ते ग्रामवासिनां समस्याः अशृण्वन्, विविधसरकारीयोजनानां संसूचनाः अददुः, कृषकान् च प्राकृतिककृष्या सह आधुनिकप्रौद्योगिकीं नवाचारांश्च स्वीकृत्य उत्पादनम् आयं च वर्धयितुमाह्वयन्। मुख्यमन्त्री अवदत् यत् पूर्वप्रधानमन्त्री चौधरीचरणसिंहः भारतरत्न अटलबिहारीवाजपेयी च कृषकहितसंवर्धने महत्त्वपूर्णं योगदानमददाताम्। प्रधानमन्त्रीग्रामसडकयोजना कृषकक्रेडिटकार्डयोजना च ग्रामीणभारतस्य कृषिक्षेत्रस्य च नूतनां दिशं प्रदत्तवन्त्यौ। प्रधानमन्त्रीनरेन्द्रमोदी एतान् प्रयासान् अग्रे नीत्वा कृषकान् विकासस्य मुख्यधारायां संयोजयन्त्यः अनेकाः योजनाः प्रवर्तितवान्।
ते अवदन् यत् राज्यसर्वकारस्य उद्देश्यं कृषकेभ्यः आधुनिकप्रौद्योगिकीं गुणवत्तायुक्तसंसाधनानि वित्तीयसाहाय्यं सरकारीयोजनानां अधिकतमं लाभं च प्रदातुमस्ति, येन कृषिरेव आगामिपीढीभिरपि सम्मानजनकं लाभदायकं च व्यवसायरूपेण स्वीकर्तुं शक्येत। एतदर्थं स्थानीयोत्पादानां प्रोत्साहनं कृष्याधारितप्रसंस्करणैककानां स्थापना च क्रियमाणा अस्ति। ते कृषकान् प्राकृतिककृषिं स्वीकर्तुं आधुनिककृषितन्त्रज्ञानस्य उपयोगं कर्तुं मूल्यसंवर्धनार्थं प्रसंस्करणैककानि स्थापयितुं चाह्वयन्।
मुख्यमन्त्री अवदत् यत् यदि कृषकेभ्यः पर्याप्तं जलमुपलभ्येत तर्हि ते राष्ट्रस्य अर्थव्यवस्थां नवीनोच्चतां प्रति नेतुं समर्थाः स्युः। अस्यैव चिन्तायाः आधारेण प्रधानमन्त्रीनरेन्द्रमोदिनः नेतृत्वे रामजलसेतुलिङ्कपरियोजना यमुनाजलसम्झौतासहिताः प्रदेशस्य बह्व्यः महत्त्वपूर्णाः जलपरियोजनाः शीघ्रतया प्रवर्तन्ते। एतासां परियोजनानां लाभः वर्तमानपीढ्या सह आगामिपीढीभ्यः अपि भविष्यति।
मुख्यमन्त्री अवदत् यत् राज्यसर्वकारः कृषकहिताय निरन्तरं नवीनाः योजनाः प्रवर्तयति। प्रधानमन्त्रीकिसानसम्माननिधियोजनायाः अन्तर्गतं केन्द्रसर्वकारस्य साहाय्येन सह राज्यसर्वकारोऽपि त्रिसहस्ररूप्यकाणि अतिरिक्तरूपेण प्रदाय कृषकेभ्यः प्रतिवर्षं नवसहस्ररूप्यकाणां वित्तीयसाहाय्यं प्रददाति। तदतिरिक्तं न्यूनतमसमर्थनमूल्ये गोधूमक्रये प्रतिक्विण्टलं शतपञ्चाशद्रूप्यकपरिमितं बोनस अपि प्रदीयते। कृषकेभ्यः ब्याजमुक्तमल्पकालिकफसलऋणं फसलबीमायोजना विद्युत्शुल्केषु राहतिः सौरपम्पस्थापने अनुदानं च प्रदीयते।
ते अवदन् यत् सम्प्रति प्रदेशस्य षड्विंशतिजनपदेषु कृषकेभ्यः दिवाकाले विद्युत्सुविधा प्रदीयते तथा शीघ्रमेव समग्रराजस्थाने कृषकेभ्यः दिवासमये विद्युत्प्रदाने लक्ष्यं पूर्णं भविष्यति।
मुख्यमन्त्री अवदत् यत् कृषि पशुपालनं च कृषकजीवनस्य द्वौ महत्त्वपूर्णौ स्तम्भौ स्तः। एतयोः सुदृढीकरणाय राज्यसर्वकारः गोपालकक्रेडिटकार्डऋणयोजना मुख्यमन्त्रीमङ्गलापशुबीमायोजना च माध्यमीकृत्य पशुपालकेभ्यः आर्थिकसुरक्षां प्रददाति। अनेन कृषकाणामायस्य अतिरिक्तस्रोतांसि विकसितानि भवन्ति।
मुख्यमन्त्री अवदत् यत् राज्यसर्वकारः युवानां भविष्यं सुरक्षितं कर्तुं सरकारीयोजनासु सह निजीक्षेत्रेऽपि विशालपरिमाणे रोजगारावसरान् सृजति। नवयुवनीत्याः माध्यमेन युवानः स्वरोजगाराय प्रेर्यन्ते, ग्रामेषु च स्थानीयस्तरे रोजगारोपलब्धये विशेषप्रयत्नाः क्रियन्ते। सहैव वरिष्ठनागरिकेभ्यः सामाजिकसुरक्षापेन्शनयोजनया आर्थिकसम्बलं प्रदीयते।
ग्रामविकासचौपालायां विविधक्षेत्रेषु उल्लेखनीयकार्याणि कृतवन्तः कृषकाः युवानश्च मुख्यमन्त्रिणा सह स्वानुभवान् अवदन्। प्रगतिशीलकृषकः अशोकजाङ्गुः अवदत् यत् सरकारीयोजनानां सहयोगेन सः लवणयुक्तजलप्रदेशे दाडिमकृषिं ग्रीनहाउसपद्धतिं पशुपालनं च स्वीकृत्य प्रतिवर्षं षष्टिलक्षात् सप्ततिलक्षरूप्यकपर्यन्तमायमर्जयति। सः कृषकान् आधुनिककृषिं स्वीकर्तुमाह्वयत्।
पद्मश्री हिम्मतारामभांभू अवदत् यत् सप्तविंशतिवर्षपूर्वं रोपितानि चतुर्दशसहस्रवृक्षारोपणानि अद्य घनवनरूपेण विकसितानि सन्ति। तेन पर्यावरणसंरक्षणक्षेत्रे प्राप्तस्य सरकारीसहयोगस्य पशुपालनप्रोत्साहनयोजनानां च प्रशंसा कृता।
प्रगतिशीलकृषकः पारुल अवदत् यत् सरकारीसहयोगेन नागौरस्य अश्वगन्धायाः जीआईटैगप्राप्त्या तस्याः वैश्विकीया पहचान प्रतिष्ठिता। उत्तमबीजानां प्रसंस्करणैककानां च उपलब्धतया कृषकाणामाये उल्लेखनीयो वृद्धिर्जाता।
जैविककृषिं कुर्वती कृषिका मीरा अवदत् यत् सा पञ्चदशवर्षपूर्वं विषमुक्तकृषेः सङ्कल्पं कृतवती। प्रारम्भिककठिनताभ्यः अनन्तरम् अधुना तस्यै श्रेष्ठमुत्पादनम् अधिकलाभश्च प्राप्यते। सा अवदत् यत् कृषौ पशुपालने च केन्द्रराज्यसर्वकारयोः पूर्णसहयोगः प्राप्तः।
युवोद्यमी ओङ्कारचौधरी अवदत् यत् प्रधानमन्त्रीरोजगारयोजनायाः अन्तर्गतं पञ्चविंशतिलक्षरूप्यकाणां ऋणप्राप्त्या स्वस्य हस्तशिल्पैककस्य विस्तारः कृतः। यत्र प्रारम्भे केवलं त्रयः जनाः नियोजिताः आसन् तत्र अधुना तस्य संस्थायां चत्वारिंशदधिकाः युवानः कार्यरताः सन्ति तथा अन्तर्जालमाध्यमेन राष्ट्रव्यापी फर्नीचरविक्रयः क्रियते।
तथैव युवोद्यमी लक्ष्मीकान्तकडवा अवदत् यत् विश्वकर्मोद्यमियोजनायाः अन्तर्गतं दशलक्षरूप्यकाणां ऋणप्राप्त्या स्वस्य उद्योगः स्थापितः। तेनोक्तं यत् सरकारीयोजनाभिः युवभ्यः रोजगारयाचकत्वात् रोजगारदातृत्वस्य अवसरः प्रदत्तः।
कार्यक्रमे जनस्वास्थ्याभियान्त्रिकीमन्त्री कन्हैयालालचौधरी, महिला बालविकासराज्यमन्त्री मञ्जूबाघमार, राज्यकिसानायोगाध्यक्षः सी.आर.चौधरी, देवनारायणबोर्डाध्यक्षः ओमप्रकाशभडाना, विधायकाः अजयसिंहकिलकः, लक्ष्मणरामकलरू, रेवन्तरामडाङ्गा इत्यादयः अनेकाः जनप्रतिनिधयः तथा बहुसंख्यकाः कृषकाः पशुपालकाः युवानः ग्रामवासिनश्च उपस्थिताः आसन्।
---------------
Hindusthan Samachar / Dheeraj Maithani