Enter your Email Address to subscribe to our newsletters
पौड़ी गढ़वालम्, 18 जुलाईमासः (हि.स.)।
छात्रवृत्तियोजनानां समीक्षोपवेशनं शनिवासरे विकासभवने मुख्यविकासाधिकारिणः अशोकजोशीमहाभागस्य अध्यक्षतायाम् आयोजितम्। उपवेशने छात्रवृत्तिवितरणसम्बद्धानां तान्त्रिकविषयाणां तथा वर्ष २०२६ २०२७ कृते नेशनलस्कॉलरशिपपोर्टले ऑनलाइन आवेदनप्रक्रियायाः समीक्षा कृता।
उपवेशने जनपदसमाजकल्याणाधिकारिणा रोहितसिंहदुबडिया उक्तं यत् जनपदस्य अष्टचत्वारिंशदधिकाष्टशतं पात्रविद्यार्थिनां बैङ्कखातानि आधारसंख्यया सह न सम्बद्धानि सन्ति, अतः तेभ्यः छात्रवृत्तेः धनराशिः प्राप्ता न अभवत्। तेन उक्तं यत् छात्रवृत्तेः धनराशिः प्रत्यक्षलाभान्तरणप्रणाल्या विद्यार्थिनां बैङ्कखातेषु प्रत्यक्षतया प्रेष्यते, अतः आधारसंख्यासम्बद्धीकरणम् अनिवार्यमस्ति।
मुख्यविकासाधिकारिणा सर्वेभ्यः खण्डशिक्षाधिकारिभ्यः निर्देशाः प्रदत्ताः यत् सम्बन्धितविद्यार्थिनां बैङ्कखातानाम् आधारसंख्यासम्बद्धीकरणप्रक्रिया आगामिपञ्चदशदिनेषु सम्पूर्णा कार्या, येन पात्रविद्यार्थिनः समये छात्रवृत्तेः लाभं प्राप्नुयुः। तेन उक्तं यत् अस्मिन् कार्ये बैङ्कैः सम्बन्धितविभागैः च सह समन्वयं स्थापयित्वा आवश्यककार्यवाही सुनिश्चितीक्रियताम्।
उपवेशने एतदपि सूचितं यत् वर्ष २०२६ २०२७ कृते नेशनलस्कॉलरशिपपोर्टले ऑनलाइन आवेदनप्रक्रिया प्रारब्धा अस्ति तथा आवेदनस्य अन्तिमा तिथिः ३० सेप्टेम्बर २०२६ इति निर्धारिता अस्ति। मुख्यविकासाधिकारिणा सर्वे खण्डशिक्षाधिकारिणः निर्देशिताः यत् स्वस्वविकासखण्डेषु अनुसूचितजातेः अनुसूचितजनजातेः अन्यपिछडावर्गस्य च सर्वेषां पात्रविद्यार्थिनां आवेदनानि निर्धारितकालावधौ एनएसपीपोर्टले पूरितानि सुनिश्चितानि क्रियन्ताम्।
तेन उक्तं यत् आवेदनार्थम् आवश्यकौ आयप्रमाणपत्रं जातिप्रमाणपत्रं च समये एव सिद्धौ क्रियेताम्, येन कश्चिदपि पात्रविद्यार्थी असुविधां न प्राप्नुयात्।
मुख्यविकासाधिकारिणा उक्तं यत् छात्रवृत्तियोजना विद्यार्थिनः शिक्षायै प्रोत्साहयितुं महत्त्वपूर्णा पहल अस्ति। सर्वे सम्बन्धितविभागाः समन्वयेन कार्यं कुर्वन्तः एतत् सुनिश्चितं कुर्वन्तु यत् पात्रविद्यार्थिनः समये योजनायाः लाभं प्राप्नुयुः।
उपवेशने अपरजनपदसमाजकल्याणाधिकारी अनिलसेमवाल, सहायकलीडबैङ्काधिकारी भूपेशनौटियालः इत्यादयः उपस्थिताः आसन्।
Hindusthan Samachar / Dheeraj Maithani