नवदेहली, १८ जुलाईमासः (हि.स.)। भारतीय-जनता-पक्षस्य सूचना-प्रौद्योगिकी-विभागस्य प्रमुखः अमित-मालवीयः सामाजिक-माध्यम-मञ्चे एक्स इत्यत्र लिखितवान् यत् सोनम-वाङ्चुकस्य प्रारम्भिक-चिकित्सा-परीक्षण-प्रतिवेदनम् अधुना सार्वजनिकं जातम्, यस्मिन् स्पष्टतया उल्लिखितम् अस्ति यत् तस्य चिकित्सकीय-परीक्षणं तस्य स्वसम्मत्यैव सम्पन्नम्।

तेन उक्तं यत् एतादृशे सति अस्मिन् सम्पूर्णे प्रकरणे विवादः कस्मात् कारणात् उत्थाप्यते इति अवगन्तुं कठिनम्। तेन अपि उक्तं यत् देहली-उच्च-न्यायालयस्य निर्देशानुसारम्, अनशनकाले स्वास्थ्यस्य अवनतिः जातं प्रशासनम् सोनम-वाङ्चुकं चिकित्सालयं प्रापितवान्, यतः तस्य समुचितः उपचारः भवेत् तथा स्वास्थ्य-लाभः सुनिश्चितः स्यात्।

मालवीयः विपक्षम् उद्दिश्य प्रश्नम् अकरोत् यत् किं विपक्षः एतदेव इच्छति स्म यत् तस्य स्वास्थ्यं अधिकं अवनमेत्, येन एतत् प्रकरणं राजनीतिक-प्रदर्शनस्य साधनं भवेत्? तस्य मते एतादृश्यां परिस्थितौ समये चिकित्सासुविधां प्रदातुं प्रशासनस्य उत्तरदायित्वम् अस्ति, अतः अस्य विवाद-विषयत्वं न युक्तम्।

मालवीयः उक्तवान् यत् सम्बन्धित-अधिकारिणः न्यायालयस्य निर्देशान् सम्यक् अनुपाल्य संवेदनशीलतां प्रदर्शितवन्तः तथा जीवन-रक्षणमेव सर्वोच्च-प्राथमिकतया स्वीकृतवन्तः। तेन एतत् उत्तरदायित्वपूर्णम् प्रशासनिक-पदम् इति वर्णितम् तथा अस्मिन् विषये अनावश्यकः राजनीतिक-विवादः उत्थापयितुं दुर्भाग्यपूर्णम् इति उक्तम्। तथापि, सोनम-वाङ्चुकेन अथवा विपक्ष-दलैः अमित-मालवीयस्य अस्य वक्तव्यस्य विषये तात्कालिकी का अपि प्रतिक्रिया अद्यावधि: न प्रदत्ता।

Hindusthan Samachar / Divya Ranjan