हरिद्वारम्, 18 जुलाईमासः (हि. स.)।सामान्यजनानां कृते परिवहनविभागस्य सेवाः अधिकाः सरलाः त्वरिताः अङ्कीयमाध्यमेन च सुलभरूपेण उपलब्धाः भवेयुः इति उद्देशेन हरिद्वारस्थिते सम्भागीयपरिवहनकार्यालये आरटीओ अद्य प्रभृति कार्यालयसहायकचैटबॉटसेवा प्रारब्धा अस्ति।

परिवहनविभागेन कार्यालयपरिसरे विविधस्थानेषु क्यूआरकोडयुक्ताः स्थापनफलकाः स्थापिताः सन्ति। नागरिकाः स्वकीयचलदूरवाण्या एतान् क्यूआरकोडान् स्कैन कृत्वा चैटबॉटमाध्यमेन चालकानुज्ञापत्रम् वाहनपञ्जीकरणम् मार्गकरः अनुज्ञापत्रम् योग्यताप्रमाणनम् हरितपत्रम् इत्यादीनां विभागीयसेवानां प्रक्रियाः आवश्यकदस्तावेजाः निर्धारितशुल्कम् अन्याः आवश्यकसूचनाश्च तत्क्षणमेव प्राप्तुं शक्नुवन्ति।

विभागस्य अनुसारेण अस्याः व्यवस्थायाः कारणात् जनानां पुनः पुनः पृच्छाकक्षं गन्तुं आवश्यकता न भविष्यति। अनेन कार्यालये पारदर्शिता वर्धिष्यते तथा कार्यसम्पादनम् अपि अधिकं प्रभावी भविष्यति। कार्यालये सजीवटोकनप्रदर्शनव्यवस्था अपि प्रारब्धा अस्ति। अस्य माध्यमेन आवेदनकर्तारः स्वटोकनस्य वर्तमानस्थितिं सम्बन्धितकक्षस्य सूचनां च प्रदर्शने पश्यितुं शक्नुवन्ति। अनेन प्रतीक्षाव्यवस्था अधिका सुव्यवस्था सुविधाजनका च भविष्यति।

सहायकसम्भागीयपरिवहनाधिकारी प्रशासन निखिलशर्मा उक्तवान् यत् नागरिकसेवानाम् आधुनिकीकरणस्य सरलीकरणस्य पूर्णतया अङ्कीयीकरणस्य च दिशि एषा महत्त्वपूर्णा पहल अस्ति। तेन जनान् कार्यालयम् आगत्य क्यूआरकोडं स्कैन कृत्वा चैटबॉटस्य उपयोगं कर्तुं उपलब्धानां अङ्कीयसुविधानां लाभं च ग्रहीतुं प्रार्थितवन्तः।

तेन उक्तं यत् परिवहनविभागः भविष्ये अपि प्रौद्योगिकीआधारितसेवानां विस्तारं कृत्वा नागरिकेभ्यः अधिकाः पारदर्शिन्यः त्वरिताः सुविधाजनकाः च सेवाः प्रदातुं निरन्तरं प्रयतिष्यते।

Hindusthan Samachar / Dheeraj Maithani