नवदेहली, 19 जुलाईमासः (हि.स.)।केन्द्रियगृहसहकारितामन्त्री अमितशाहः रविवासरे जम्मू-काश्मीरे प्रभूतवृष्ट्या उत्पन्नां स्थितिं विषयीकृत्य उपराज्यपालेन मनोजसिन्हा-महोदयेन मुख्यमन्त्रिणा उमरअब्दुल्ला-महोदयेन च पृथक्-पृथक् वार्तालापं कृतवान्। सः राहतबचावकार्याणां ज्ञानं प्राप्नुवन् केन्द्रसर्वकारस्य पक्षतः सर्वसम्भाव्यां सहायतां उपलब्धां कारयितुम् आश्वासनं दत्तवान्।

गृहमन्त्रालयस्य अनुसारं, अमितशाह-महोदयः उभाभ्यां नेताभ्यां प्रभावितक्षेत्राणां वर्तमानां स्थितिं, राहतबचावाभियानं, प्रशासनस्य सज्जताः च विस्तृतं ज्ञानं प्राप्तवान्। सः अकथयत् यत् प्राकृतिकापदया प्रभावितानां जनानां सुरक्षा राहतकार्यं च केन्द्रसर्कारस्य सर्वोच्चा प्राथमिकता अस्ति, आवश्यकतानुसारं च सर्वप्रकारा सहायता तत्कालम् उपलब्धा कारयिष्यते।

उल्लेखनीयम् अस्ति यत् जम्मू-काश्मीरस्य पुंछ-राजौरी-जनपदयोः रविवासरे प्रातःकाले जातया मूसलाधारवृष्ट्या कारणेन बहुषु स्थानेषु आकस्मिकं जलप्लावनं (फ्लैश्-फ्लड्) भूस्खलनघटनाः च अभवन्। एतासु घटनासु जनधनस्य हानिः अभवत्। अद्यावधि त्रयाणां जनानां शवाः प्राप्ताः, बहूनां च अन्येषां जनानाम् अन्वेषणार्थं राहतबचावाभियानं प्रचलति।

प्रशासनं, आरक्षकदलं, आपदाप्रबन्धनदलं, अन्याः संस्थाः च प्रभावितेषु क्षेत्रेषु युद्धस्तरे राहतबचावकार्ये संलग्नाः सन्ति। बहुषु स्थानेषु मार्गाः क्षतिग्रस्ताः जाताः मृत्तिकाराशिः च आगत्य आवागमनम् अपि प्रभावितम् अभवत्। प्रभावितान् जनान् सुरक्षितस्थानानि प्रति प्रापयितुं आवश्यकां राहतसामग्रीं च उपलब्धां कारयितुं कार्यं निरन्तरं प्रचलति।

भारतीयमौसमविभागेन पुंछ-राजौरी-समीपस्थक्षेत्रेषु आगामिनं किञ्चित्कालं यावत् प्रभूतवृष्टेः सम्भावना व्यक्ता। विभागेन जनेभ्यः अनावश्यकां यात्रां त्यक्तुं, नदीनालेभ्यः भूस्खलनसम्भाव्यक्षेत्रेभ्यः च दूरं स्थातुं, स्थानीयप्रशासनेन जारितानां दिशानिर्देशानां पालनं च कर्तुम् उद्घोषणा कृता।

केन्द्रं जम्मू-काश्मीरप्रशासनं च स्थितिं निरन्तरं दृष्टिपथे स्थापयतः, प्रभावितेषु क्षेत्रेषु राहतबचावकार्याणि अधिकं त्वरितं कर्तुं निर्देशाः च दत्ताः।--------------

Hindusthan Samachar / अंशु गुप्ता