Enter your Email Address to subscribe to our newsletters
खूंटी, 19 जुलाईमासः (हि.स.)। राञ्चीजनपदस्य नामकोमपुलिस्थानकक्षेत्रस्य पिण्डरकोमग्रामस्य तेतरीनिवासिनौ प्रीतमतिर्की तथा अङ्कितगङ्गातिर्की पूर्णतया स्वास्थ्यलाभं प्राप्त्य स्वमनोरथपूर्त्यर्थं रविवासरे प्रसिद्धं बाबा आम्रेश्वरधाम समुपागतवन्तौ। तत्र ताभ्यां विधिविधानपूर्वकं भगवानः भोलेनाथस्य विशेषपूजार्चना कृता तथा तस्य आशीर्वादः प्राप्तः।
उभावपि श्रद्धालू उक्तवन्तौ यत् तौ दीर्घकालात् व्याधिना पीडितौ आस्ताम्। चिकित्साकाले ताभ्यां शीघ्रस्वास्थ्यलाभाय बाबा आम्रेश्वरस्य समक्षं प्रार्थना कृता तथा स्वास्थ्यलाभानन्तरं धाममागत्य पूजार्चनां करिष्यावः इति मनोरथः कृतः। पूर्णस्वास्थ्यलाभानन्तरं तौ स्वप्रतिज्ञां पूरयित्वा बाबायाः सन्निधौ प्रणामं कृतवन्तौ विशेषानुष्ठानं च सम्पन्नवन्तौ।
पूजार्चनानन्तरं श्रद्धालूनां मध्ये क्षीरभोगस्य वितरणं कृतम्। अस्मिन्नवसरे बहुसंख्यकाः श्रद्धालवः प्रसादं गृहीत्वा भगवानः भोलेनाथस्य आशीर्वादं प्राप्तवन्तः।
अस्मिन्नवसरे प्रीतमतिर्की तथा अङ्कितगङ्गातिर्की बाबा आम्रेश्वरधामसमितेः पदाधिकारिभ्यः अङ्गवस्त्राणि समर्प्य तान् सम्मानितवन्तौ। ताभ्यां धामस्य व्यवस्थायै, सेवाभावाय तथा श्रद्धालूनां प्रति सहकाराय समितेः प्रति कृतज्ञता अपि व्यक्ता।
बाबा आम्रेश्वरधामसमितेः पदाधिकारिणः उभयोः श्रद्धाल्वोः स्वागतं कृतवन्तः तथा तयोः उत्तमस्वास्थ्यस्य, सुखसमृद्धेः, पारिवारिकमङ्गलस्य च कामनाम् अकुर्वन्। तैः उक्तं यत् बाबा आम्रेश्वरधामे दूरदूरप्रदेशेभ्यः श्रद्धालवः स्वस्वमनोरथैः सह आगच्छन्ति तथा श्रद्धया विश्वासेन च पूजार्चनां कृत्वा भगवानः भोलेनाथस्य आशीर्वादं प्राप्नुवन्ति।-------------
Hindusthan Samachar / Dheeraj Maithani