लखनऊ, 19 जुलाईमासः (हि.स.)।उत्तरप्रदेशस्य शासनस्य जनकल्याणकारिण्यः योजनाः समाजस्य दुर्बलानां आवश्यकतान्वितानां च वर्गाणां जीवने सकारात्मकपरिवर्तनं जनयन्ति। विशेषतया अन्यपश्चाद्वर्गस्य (ओबीसी) आर्थिकदृष्ट्या दुर्बलपरिवाराणां कृते प्रवर्तमाना विवाहानुदानयोजना कन्याविवाहेषु महतीम् आर्थिकसाहाय्यरूपेण प्रतिष्ठिता अस्ति।

वित्तीयवर्षे २०२६–२७ इदानीन्तनकालपर्यन्तं द्व्यशीतिसहस्राधिकाः आवेदनपत्राणि प्राप्तानि सन्ति। तेषु पात्रतां प्राप्तेषु १४,७१७ लाभार्थिषु योजनालाभः प्रदत्तः। एतदर्थं २९.४३ कोटिरूप्यकाणि प्रत्यक्षतया लाभार्थिनां बैङ्कलेखेषु प्रेषितानि। पारदर्शिन्या भुगतानव्यवस्थया लाभार्थिनः कस्यापि मध्यस्थस्य विना समये एव साहाय्यं प्राप्नुवन्ति।

प्रति कन्यां विंशतिसहस्ररूप्यकाणाम् आर्थिकसाहाय्यम्

योगिसरकारेण वित्तीयवर्षे २०२६–२७ एकलक्षपञ्चसहस्रं पात्रावेदकान् विवाहानुदानयोजनया संयोजयितुं लक्ष्यम् निर्धारितम्। अस्यां योजनायां प्रत्येकस्मै पात्रपरिवाराय कन्याविवाहार्थं विंशतिसहस्ररूप्यकाणाम् आर्थिकसाहाय्यं प्रदीयते। सम्पूर्णा राशि प्रत्यक्षतया लाभार्थिनः बैङ्कलेखे प्रेष्यते। योजनायाः लाभः तेषामेव परिवाराणां भवति येषां वार्षिकी आयः एकलक्षरूप्यकपरिमिता अस्ति। अपि च विवाहसमये कन्यायाः न्यूनतमवयः अष्टादशवर्षाणि तथा वरस्य न्यूनतमवयः एकविंशतिवर्षाणि भवितव्यम्। आवेदनप्रक्रियायां दिव्याङ्गपरिवाराः, विधवाः, दैवीयापदाप्रभावितपरिवाराः तथा भूमिहीनपरिवाराश्च प्राधान्येन ग्राह्याः भवन्ति।

सर्वेभ्यः पात्रलाभार्थिभ्यः लाभः प्रदीयते

**पश्चाद्वर्गकल्याणनिदेशकः उमेशप्रतापसिंहः अवदत् यत् विवाहानुदानयोजना अन्यपश्चाद्वर्गस्य आवश्यकतान्वितपरिवाराणां कृते महती राहतिरूपेण सिद्धा जाता। केवलं कतिपयेषु मासेषु एव द्व्यशीतिसहस्राधिकानि आवेदनपत्राणि प्राप्तानि, येषु पात्रावेदकेभ्यः योजनालाभः प्रदत्तः। तेन उक्तं यत् एषा योजना निर्धनपरिवाराणां कन्याविवाहेषु महत्त्वपूर्णं साहाय्यं प्रददाति, तथा च योगिसरकारः पश्चाद्वर्गस्य उत्थानाय विकासाय च पूर्णप्रतिबद्धतया कार्यं करोति।

Hindusthan Samachar / Dheeraj Maithani