नवादा, 19 जुलाईमासः (हि.स.)।

नवादाजनपदात् विधानपरिषदः सदस्यः अशोकयादवः बिहारविधानपरिषदः गैरसरकारीविधेयकसंकल्पसमितेः अध्यक्षपदे मनोनीतः इति कारणात् तस्य समर्थकेषु क्षेत्रस्य युवसु च हर्षोल्लासस्य वातावरणम् अभवत्। रविवासरे नवादास्थिते तस्य निवासस्थाने आयोजिते संक्षिप्तसम्मानसमारोहे कार्यकर्तारः तस्मै पुष्पगुच्छम्, अङ्गवस्त्रं तथा पुष्पमालां समर्प्य सम्मानितवन्तः नवीनदायित्वाय च शुभकामनाः प्रदत्तवन्तः।

अस्मिन्नवसरे कार्यकर्तारः विश्वासं व्यक्तवन्तः यत् अशोकयादवः नवीनदायित्वस्य निर्वहणं पूर्णनिष्ठया प्रामाणिकतया च करिष्यति तथा जनहितसम्बद्धान् विषयान् प्रभावीरीत्या बिहारविधानपरिषदि प्रस्तोष्यति। तैः उक्तं यत् अशोकयादवः सदा क्षेत्रस्य समस्याभ्यः प्राथमिकतां दत्तवान्, अधुना च समितेः अध्यक्षरूपेण तस्य भूमिका अधिकमहत्त्वपूर्णा जाता।

सम्मानसमारोहस्य समये अशोकयादवः सर्वेषां कार्यकर्तृणां प्रति कृतज्ञतां व्यक्तीकृत्य अवदत् यत् समितेः अध्यक्षरूपेण तस्य दायित्वं गैरसरकारीसदस्यैः प्रस्तुतानां विधेयकानां समीक्षा, गैरसरकारीसंकल्पानां विचारः तथा तेषां विधेयकानां संकल्पानां च विषये बिहारविधानपरिषदः प्रति स्वानुशंसानां प्रस्तुतीकरणम् अस्ति। सः अवदत् यत् एतस्य दायित्वस्य निर्वहणं पूर्णनिष्पक्षतया गम्भीरतया च करिष्यति।

सः अवदत् यत् समितेः माध्यमेन जनहितसम्बद्धविषयाः प्राथमिकतया ग्राह्याः भविष्यन्ति तथा जनतायाः अपेक्षानुसारं कार्यं कर्तुं सर्वथा प्रयासः करिष्यते। सः कार्यकर्तृभ्यः अपि प्रार्थितवान् यत् क्षेत्रस्य समस्याः जनसरोकारसम्बद्धविषयाश्च निरन्तरं तस्य पुरतः प्रस्तूयन्ताम्, येन तान् उचितमञ्चे समुत्थापयितुं शक्येत।

कार्यक्रमस्य अन्ते उपस्थिताः युवानः कार्यकर्तारश्च अशोकयादवस्य उज्ज्वलकार्यकालस्य शुभकामनाः प्रकट्य विश्वासं व्यक्तवन्तः यत् तस्य नेतृत्वे समिति जनहितसम्बद्धविषयेषु प्रभावीपदम् उपक्रमं करिष्यति तथा लोकतान्त्रिकव्यवस्थां अधिकं सुदृढां कर्तुं महत्त्वपूर्णां भूमिकां निर्वक्ष्यति

---------------

Hindusthan Samachar / Dheeraj Maithani