एम.पी. नगर स्थिते जैन मंदिरे दर्शनं कृत्वा प्रदेशवासिभ्यः सुखस्य, समृद्धेः शांतेश्चकामना कृता

भोपालम्, 19 जुलाईमासः (हि.स.)।

मध्यप्रदेशसर्वकारस्य सहकारिता क्रीडा युवाकल्याणमन्त्री तथा नरेलाविधानसभाक्षेत्रस्य विधायकः विश्वासकैलाशसारङ्गः रविवासरे जैनमुनेः समयसागरमहाराजसङ्घस्य भोपालनगरे आगमनसमये श्रद्धया सम्मानपूर्वकं च तेषामभ्यागतस्वागतम् अकरोत्। अस्मिन् अवसरे मन्त्री सारङ्गः एम पी नगरस्थितं जैनमन्दिरं गतवान् यत्र परमपूज्यस्य मुनिश्रेः दर्शनं कृत्वा तेषां मङ्गलाशीर्वादं प्राप्तवान् तथा प्रदेशवासिनां सुखसमृद्धिशान्त्युत्तमस्वास्थ्ययोः कामनाम् अकरोत्।

जैनमुनेः समयसागरमहाराजस्य भोपालागमनं धर्मस्य अध्यात्मस्य संस्काराणां च महापर्व इति वर्णयन् मन्त्री विश्वासकैलाशसारङ्गः अवदत् यत् सन्तमहात्मनाम् नगरे आगमनं सर्वदा समाजाय प्रेरणायाः सकारात्मकऊर्जायाः आध्यात्मिकचेतनायाश्च सञ्चारकं भवति। तेषां तपः त्यागः संयमः अहिंसाधारितं जीवनं च समाजाय सदाचारस्य नैतिकतायाः आत्मानुशासनस्य च सन्देशं ददाति।

मन्त्री सारङ्गः अवदत् यत् जैनधर्मस्य मूलभावना अहिंसा अपरिग्रहः अनेकान्तवादश्च मानवजीवनं श्रेष्ठं कर्तुं मार्गं प्रशस्तं करोति। अद्यत्वे यदा समाजस्य नैतिकमूल्यानां सामाजिकसमरसतायाश्च अत्यधिकमपेक्षा वर्तते तदा सन्तानां मार्गदर्शनं प्रत्येकस्मै जनाय प्रेरणास्रोतः भवति। तेन उक्तं यत् परमपूज्यस्य समयसागरजीमहाराजस्य आशीर्वादः प्रदेशस्य समाजस्य च मङ्गलकारी अस्ति।

मन्त्री सारङ्गः मुनिश्रेयः सकाशात् प्रदेशस्य निरन्तरप्रगत्यै जनकल्याणाय सामाजिकसौहार्दाय विश्वशान्तये च आशीर्वादं प्राप्तवान्। तेन उक्तं यत् सन्तानां सान्निध्येन समाजे सेवा करुणा संयमः परस्परसद्भावश्च सुदृढो भवति तथा नवसंततिः भारतीयसंस्कृत्या आध्यात्मिकपरम्पराभिश्च सह सम्बद्धा भवितुं प्रेरणां प्राप्नोति।

मन्त्री विश्वासकैलाशसारङ्गः अवदत् यत् मध्यप्रदेशस्य धरित्री सर्वदा सन्तमहापुरुषाणाम् आध्यात्मिकविभूतीनां च सम्मानं करोति। तेषां सान्निध्येन समाजे सद्भावः संस्कारः राष्ट्रनिर्माणभावना च नूतनामूर्जां प्राप्नुवन्ति। तेन समयसागरमहाराजसङ्घस्य भोपालागमनस्य स्वागतं कृत्वा तेषां स्वस्थमङ्गलमयविहारस्य कामना कृता।

---------------

Hindusthan Samachar / Dheeraj Maithani