-राज्य कार्यालये ‘मन की बात’ राज्यस्तरीय कार्यशाला आयोजिता

भुवनेश्वरम्, 19 जुलाईमासः (हि.स.)।प्रधानमन्त्री नरेन्द्रमोदिनः लोकप्रियकार्यक्रमस्य मन की बात इत्यस्य विषये अद्य राज्यकार्यालये राज्यस्तरीया कार्यशाला आयोजिता। अस्मिन् अवसरे भाजपाप्रदेशाध्यक्षः राज्यसभासांसदः मनमोहनसामलः अवदत् यत् मन की बात इदानीं देशस्य सामान्यजनानां कृते प्रेरणायाः महत्त्वपूर्णः स्रोतः अभवत्। तेन उक्तं यत् प्रधानमन्त्री नरेन्द्रमोदी ३ अक्टोबर २०१४ तमे दिने अस्य कार्यक्रमस्य आरम्भं कृत्वा देशवासिभिः सह प्रत्यक्षसंवादस्थापनस्य ऐतिहासिकं प्रयत्नम् अकरोत्। गतद्वादशवर्षेषु अस्य १३५ संस्करणानि सम्पन्नानि सन्ति, यत् कस्यापि राष्ट्राध्यक्षस्य निरन्तरं सञ्चालितेषु कार्यक्रमेषु अद्वितीयः उपक्रमः अस्ति। अयं कार्यक्रमः प्रतिमासस्य अन्तिमे रविवासरे पूर्वाह्णे ११ वादने आकाशवाण्या दूरदर्शनेन च प्रसार्यते।

सामलः अवदत् यत् २६ जुलै तमे दिने मन की बात इत्यस्य १३६ तमं संस्करणं प्रसारयिष्यते, यस्मिन् प्रधानमन्त्री देशवासिनः सम्बोधयिष्यति। तेन उक्तं यत् अयं कार्यक्रमः अधुना जनान्दोलनस्य रूपं धारयति, यः न केवलं देशे अपितु प्रवासीभारतीयेषु वैश्विकस्तरे च व्यापकं प्रशंसां प्राप्नोति। तेन एतदपि उक्तं यत् मन की बात कार्यक्रमस्य माध्यमेन प्रधानमन्त्री समाजस्य विविधविषयेषु चर्चां करोति तथा च भूमिस्तरे उत्कृष्टकार्यं कुर्वतां व्यक्तीनां गुप्तप्रतिभानां च परिचयं देशस्य पुरतः प्रस्तौति। ओडिशाराज्यस्य अनेकेषां जनानाम् उपलब्धयः अपि अस्मिन् कार्यक्रमे स्थानं प्राप्तवन्त्यः, येन राज्यस्य गौरवम् अभिवृद्धिम् अगच्छत्। तेन कार्यकर्तारः आहूताः यत् ते एतं कार्यक्रमं राज्यस्य प्रत्येकगृहं प्रति प्रापयन्तु।

अस्यां कार्यशालायाम् उपमुख्यमन्त्री केवी सिंहदेवः, प्रदेशसङ्गठनमहासचिवः मानसमहान्तिः, कन्धमाललोकसभासांसदः कार्यक्रमस्य राज्यसंयोजकः सुकान्तपाणिग्राही, मन्त्री सम्पदचरणस्वाईं, गणेशरामसिंहखुण्टिया, कालाहाण्डीलोकसभासांसदा मालविकादेवी, विधायकः सन्तोषखटुआ, विधायकः सुधीररञ्जनपट्टजोशी, प्रदेशमहासचिवः सीमाञ्चलखटेई, प्रदेशसचिवा ममतासिंह, प्रदेशप्रवक्ता तेजेश्वरपरिडा तथा वरिष्ठनेता ठाकुररणजीतदासः इत्यादयः, विभिन्नजिलेभ्यः विधानसभाक्षेत्रेभ्यः च आगताः मन की बात संयोजकाः उपस्थिताः आसन्।

----

Hindusthan Samachar / Dheeraj Maithani