Enter your Email Address to subscribe to our newsletters
जगदलपुरम्, 19 जुलाईमासः (हि.स.)।
बस्तरगोञ्चा महापर्वणि गुण्डिचामन्दिरे सिरहासारभवने च श्रीजगन्नाथस्वामिनः पुण्यदर्शनार्थं श्रद्धालूनां महती संख्या समुपस्थितिः दृश्यते। रियासत्कालप्रचलितपरम्परानुसारं गुण्डिचामन्दिरे भगवान् श्रीजगन्नाथस्वामिने आमनियभोगस्य समर्पणं त्रिशतषष्टिगृहाणाम् आरण्यकब्राह्मणसमाजस्य ब्राह्मणैः क्रियते। एषा परम्परा जुलैमासस्य त्रयोविंशतितिथिपर्यन्तम् अनवरतं प्रवर्तिष्यते।
अद्य रविवासरेऽपि भगवान् श्रीजगन्नाथस्वामिने आमनियभोगसमर्पणानन्तरं सहस्रशः श्रद्धालवः श्रीजगन्नाथस्य भातप्रसादम् अगृह्णन्। तथैव प्रतिदिनं सप्ततिः अशीतिः वा परिवाराणां सदस्यैः गुण्डिचामन्दिरे सिरहासारभवने च श्रीजगन्नाथस्वामिनः पुरतः सत्यनारायणकथाश्रवणरूपा परम्परा निर्वह्यते। अद्य रविवासरे सर्वाधिकैः नवाशीतिपरिवारैः सत्यनारायणकथायाः श्रवणं कृतम्।
त्रिशतषष्टिगृहाणाम् आरण्यकब्राह्मणसमाजस्य वरिष्ठसदस्यः विवेकपाण्डेयः अवदत् यत् गुण्डिचामन्दिरे सिरहासारभवने च भगवान् श्रीजगन्नाथस्वामिने जुलैमासस्य त्रयोविंशतितिथिपर्यन्तं प्रतिदिनम् आमनियभोगसमर्पणं सत्यनारायणकथाश्रवणं च रियासत्कालप्रचलितपरम्परानुसारं विधास्यते। तेन उक्तं यत् शताब्दीप्राचीनमान्यतानुसारं श्रीजगन्नाथस्वामिनः, माता सुभद्रायाः, बलभद्रस्वामिनश्च समक्षं गुण्डिचामन्दिरे सिरहासारभवने च सत्यनारायणकथाश्रवणेन परमं पुण्यफलम् अवाप्यते। तत्रैव मुण्डनम्, अन्नप्राशनम्, अन्ये विविधसंस्काराश्च निरन्तरं सम्पाद्यन्ते। गुण्डिचामन्दिरे सिरहासारभवने च प्रतिदिनं पूजार्चनया सह सायं सप्तवादनार्धसमये महाआरात्रिकानन्तरं बस्तरगोञ्चामहापर्वणः मञ्चात् पूर्वनिर्धारितकार्यक्रमानुसारं भजनकीर्तनं सांस्कृतिककार्यक्रमाश्च प्रतिदिनम् आयोज्यन्ते।
---------------
Hindusthan Samachar / Dheeraj Maithani