वाराणसी, 19 जुलाईमासः (हि. स.)।

जनपदे खोजवास्थितस्य प्राथमिकसंयुक्तविद्यालयस्य स्वरूपपरिवर्तनार्थं सामाजिकसङ्गठनं कोरलग्रुप इत्यनेन बहवः प्रयत्नाः कृताः। वर्तमानसमये विद्यालये बालकानां उपवेशनार्थं नूतनाः उपवेशनपीठिकाः उपलब्धाः कृताः सन्ति। तदतिरिक्तं भित्तीनां मरम्मतकार्यं, वर्णलेपनकार्यं तथा क्रीडाङ्गणस्य शोधनकार्यं अपि सम्पन्नम्।

प्राथमिकसंयुक्तविद्यालयस्य प्रधानाचार्या अञ्जूदुबे अवदत् यत् सामाजिकसङ्गठनानां माध्यमेन अथवा सहयोगेन आधारभूतशिक्षाविभागस्य प्राथमिकविद्यालयेषु विविधकार्याणि पूर्वमपि सम्पन्नानि। अस्मिन् समये कोरलग्रुपस्य सहयोगेन विद्यालयस्य स्वरूपं परिवर्तितम्। बालकेभ्यः नूतनाः उपवेशनपीठिकाः उपलब्धाः अभवन्, येन तेषां अध्ययनकार्ये अधिका सुविधा भविष्यति।

अञ्जूदुबे अवदत् यत् कोरलग्रुपेन एकमासात् पूर्वं विद्यालयपरिवारेण सह सम्पर्कः कृतः आसीत्। ततः तदानीन्तनस्थितिम् आधारीकृत्य आवश्यकपरिवर्तनार्थं कार्याणि प्रारब्धानि, एकस्मिन् मासे च सर्वाणि सहयोगकार्याणि सम्पन्नानि।

कोरलग्रुपस्य प्रबन्धनिर्देशकः खालिद अवदत् यत् खोजवास्थिते प्राथमिकविद्यालये नूतनानि आधुनिकानि च उपवेशनोपकरणानि स्थापितानि सन्ति, येन बालकानां उपवेशने कापि असुविधा न भवेत्। यदा बालकाः सुखेन उपवेष्टुं शक्नुवन्ति तदैव ते अध्ययनकार्ये मनः सम्यक् निवेशयिष्यन्ति। ग्रुपेन विद्यालयस्य विविधानि आवश्यककार्याणि सम्पन्नानि। प्राथमिकविद्यालयस्य बालकानां उज्ज्वलभविष्याय वयम् अग्रे अपि स्वसहयोगं निरन्तरं प्रदास्यामः।

--------------

Hindusthan Samachar / Dheeraj Maithani