—चयनीतबालानाम् असाधारण कार्याय षड्त्सु विशिष्टश्रेणीषु मेलिष्यति पुरस्कारः

वाराणसी, 19 जुलाईमासः (हि.स.)। महिलाबालविकासमन्त्रालयेन असाधारणप्रतिभायुक्तानां उत्कृष्टकार्यं कृतवतां बालकानां सम्मानार्थं प्रधानमन्त्री राष्ट्रियबालपुरस्कार २०२६ इत्यस्य कृते ऑनलाइन आवेदननामाङ्कनप्रक्रिया प्रारब्धा। इच्छुकाः पात्राश्च बालकाः स्वयम् अथवा अन्यैः पात्रमाध्यमैः माध्यमेन जुलाईमासस्य एकत्रिंशत्तमदिनाङ्कपर्यन्तम् ऑनलाइन नामाङ्कनं कर्तुं शक्नुवन्ति।

जिलाप्रोबेशनाधिकारी महिलाकल्याणविभागस्य पङ्कज कुमार मिश्रः रविवासरे अवदत् यत् अस्य प्रतिष्ठितस्य राष्ट्रियपुरस्कारस्य अन्तर्गतं बालकाः स्वस्य असाधारणयोगदानस्य कृते षट्सु श्रेणीषु वीरता, क्रीडा, समाजसेवा, विज्ञानप्रौद्योगिकी, पर्यावरणम् तथा कला संस्कृतिः इत्येषु सम्मानिताः भविष्यन्ति। अयं पुरस्कारः पञ्चवर्षात् अष्टादशवर्षपर्यन्तवयस्केभ्यः बालकेभ्यः तेषाम् असाधारणसफलतानां कृते भारतस्य राष्ट्रपतिना प्रदीयते।

तेन उक्तं यत् विज्ञानप्रौद्योगिकीश्रेण्यां तेषां बालकानां प्राधान्येन चयनं भविष्यति येन कश्चन नूतनः उत्पादः, नवाचारः, अनुसन्धానం, प्रारूपम् अथवा वैज्ञानिकविचारः विकसितः। यदि वाराणसीजनपदस्य कश्चन बालकः विज्ञाने, रोबोटिक्सक्षेत्रे, सूचनाप्रौद्योगिक्यां, पर्यावरणसंरक्षणप्रविधौ अथवा अन्यस्मिन् वैज्ञानिकक्षेत्रे उल्लेखनीयम् आदर्शरूपम्, पेटेण्टम्, अनुसन्धानम् अथवा अभिनवं कार्यं कृतवान् अस्ति तर्हि सः अस्य पुरस्कारस्य आवेदनाय पात्रः अस्ति।

जिलाप्रोबेशनाधिकारिणा उक्तं यत् नामाङ्कनस्य अन्तिमा तिथिः जुलाईमासस्य एकत्रिंशत्तमदिनाङ्कः निर्धारिता अस्ति। तेन जनपदस्य सर्वेषां विद्यालयानां प्रधानाचार्येभ्यः, अभिभावकेभ्यः, सामाजिकसङ्गठनेभ्यश्च अपीलं कृतं यत् ते स्वपरिसरे विद्यमानानां प्रतिभाशालिनाम् असाधारणसफलतां प्राप्तवतां बालकानां परिचयं कृत्वा तेषां नामाङ्कनं समये एव सुनिश्चितं कुर्वन्तु, येन ते राष्ट्रियस्तरे स्वप्रतिभां प्रदर्शयितुं अवसरं प्राप्नुयुः।

Hindusthan Samachar / Dheeraj Maithani