कोलकाता, 19 जुलाईमासः (हि.स.)।केन्द्रियगृहसहकारितामन्त्री अमितशाहः रविवासरे कोलकातायां अमूल-बंगाल्-डेयरी-परियोजनायाः अन्तर्गतं विश्वस्य सर्वबृहत् दधिउत्पादनसंयन्त्रस्य उद्घाटनं कुर्वन् पश्चिमबंगालस्य राजनैतिकं परिवर्तनं स्वातन्त्र्यानन्तरस्य सर्वबृहत् परिवर्तनम् इति उक्तवान्। सः अकथयत् यत् देशस्य स्वातन्त्र्यानन्तरं कस्मिन्नपि राज्ये एतादृशं राजनैतिकं परिवर्तनं दर्शनाय न प्राप्तं, यादृशं पश्चिमबंगाले जातम्।

स्वसम्बोधने अमितशाहः अकथयत् यत् एककाले पश्चिमबंगालं शिक्षायाः, संस्कृतेः, आध्यात्मिकचेतनायाः, स्वातन्त्र्यआन्दोलनस्य च सम्पूर्णस्य देशस्य मार्गदर्शकम् आसीत्। बंगालेन देशाय अनेकान् महान् नेतॄन्, विचारकान्, स्वातन्त्र्यसेनानिनः च दत्ताः। इदानीं राज्यं पुनः विकासस्य समृद्धेः च नूतनस्य कालस्य दिशं प्रति गच्छति।

पूर्ववर्तिनः सर्वकारान् लक्षीकृत्य शाह-महोदयः अकथयत् यत् प्रथमं त्रीणि दशकानि यावत् पश्चिमबंगाले वामपन्थस्य विदेशी विचारधारायाः शासनम् आसीत्, तदनन्तरं च 15 वर्षाणि यावत् राज्यं भ्रष्टस्य वैचारिकदृष्ट्या विक्षिप्तस्य सर्वकारस्य अधीने आसीत्। सः अकथयत् यत् इदानीं राज्ये आगतेन राजनैतिकपरिवर्तनेन विकासस्य नूतनाः सम्भावनाः उद्घाटिताः सन्ति।

अमितशाह-महोदयः अकथयत् यत् प्रायः 700 कोटिरूप्यकाणां व्ययेन विकसिता अमूल-बंगाल्-डेयरी-परियोजना राज्यस्य डेयरीसहकारितायाः इतिहासे मीलस्तम्भः सिद्धा भविष्यति। अस्मिन् अत्याधुनिके संयन्त्रे प्रतिदिनं 30 लक्षलीटरमितस्य दुग्धस्य प्रसंस्करणं क्रियते, 10 लक्षकिलोग्राममितं दधि अन्ये च दुग्धोत्पादाः तैयार्यन्ते। अनेन सह पैकेज्ड्-दुग्धस्य, यूएचटी-दुग्धस्य, पयोहिमस्य, किलाटस्य, घृतस्य, मिष्टान्नस्य, सुगन्धित-दुग्धस्य च बृहत्पैमाने उत्पादनं भविष्यति।

सः अकथयत् यत् अनया परियोजनया पश्चिमबंगालस्य 1.25 लक्षात् अधिकेभ्यः दुग्धोत्पादककृषकेभ्यः प्रत्यक्षः लाभः प्राप्स्यते, येषु 30 सहस्रात् अधिकाः महिलादुग्धोत्पादिकाः समाविष्टाः। अनेन कृषकाणाम् आयः वर्धिष्यते, आधुनिकानां प्रसंस्करणविपणनसुविधानां विस्तारः भविष्यति, पूर्वभारते डेयरीसहकारितायै च नूतना दृढता प्राप्स्यते।

कार्यक्रमकाले अमितशाह-महोदयः श्वेतक्रान्तेः 2.0 इत्यस्याः अन्तर्गतं नवगठिताभ्यः डेयरीसहकारिसमितिभ्यः पञ्जीकरणप्रमाणपत्राणि समर्पितवान्। सः बहुउद्देशीयाभ्यः ग्रामीणसहकारिसमितिभ्यः अपि प्रमाणपत्राणि प्रदत्तवान्, सहकारिसमितीनां पञ्जीकरणस्य प्रशासनिकप्रक्रियाणां च डिजिटलीकरणाय विकसितं ई-आरसीएस्-पोर्टलम् आरम्भितवान्।

अतिरिक्तं सः विश्वस्य सर्वबृहत्याः अन्नभण्डारणयोजनायाः अन्तर्गतं पश्चिमबंगालस्य विविधेषु जनपदेषु नूतनानां भण्डारणगोदामानाम् आधारशिलां स्थापितवान्, द्वयोः नूतनयोः गोदामयोः उद्घाटनम् अपि कृतवान्। कार्यक्रमकाले राज्ये सदस्याधारितानां परिवहनसेवानां विस्ताराय भारत-टैक्सी राज्यसर्वकारस्य सूचनाप्रौद्योगिकीइलेक्ट्रॉनिक्स्-विभागस्य च मध्ये सहमतिपत्रस्य आदानप्रदानम् अपि अभवत्।

स्वकीयस्य त्रिदिवसीयस्य पश्चिमबंगालस्य यात्रायाः समापने अमितशाह-महोदयः केन्द्रस्य राज्यसर्वकारस्य च अधिकारिभिः सह घुसपैठनिरोधस्य, कानूनव्यवस्थायाः दृढीकरणस्य, महिलासुरक्षायाः सहितानां विविधानां प्रशासनिकविषयाणाम् अपि समीक्षागोष्ठ्याः कृतवान्। सः विश्वासं व्यक्तवान् यत् सहकारिताआधारिताभिः एताभिः परियोजनाभिः पश्चिमबंगाले श्वेतक्रान्त्यै नूतना गतिः प्राप्स्यते, कृषकाणाम् आयः वर्धिष्यते, राज्यस्य ग्रामीणार्थव्यवस्थायै च बृहत् बलं प्राप्स्यते।

----------------

Hindusthan Samachar / अंशु गुप्ता