कोलकाता, 19 जुलाईमासः (हि.स.)।केन्द्रियगृहसहकारितामन्त्री अमितशाह-महोदयः रविवासरे पश्चिमबंगालस्य कोलकातास्थिते राष्ट्रियपुस्तकालयपरिसरे भारतस्य प्रथमस्य 'शब्दसंग्रहालयस्य' (म्यूज़ियम्-ऑफ़्-वर्ड्) उद्घाटनं कृतवान्।

केन्द्रियसंस्कृतिमन्त्रालयस्य अधीने राष्ट्रियपुस्तकालयेन विकसितम् इदं संग्रहालयं देशस्य भाषिकां विरासतां, लिपीः, साहित्यिकीः परम्पराः च आधुनिकतकनीकस्य माध्यमेन जीवन्ते रूपे प्रस्तौति।

उद्घाटनसमारोहं सम्बोधयन् अमितशाह-महोदयः अकथयत् यत् कस्यापि देशस्य भाषा तस्य संस्कृतेः, इतिहासस्य, विरासतायाः च परिचयः भवति। सः अकथयत् यत् भाषायाः माध्यमेन कस्यापि राष्ट्रस्य सभ्यता तस्य जीवनमूल्यानि च अवगन्तुं शक्यन्ते। सः विद्यार्थिभ्यः स्वमातृभाषया सह न्यूनातिन्यूनम् अन्याम् एकां भारतीयभाषां शिक्षितुम् आह्वानं कुर्वन् अकथयत् यत् अनेन भारतस्य सांस्कृतिकवैविध्यस्य उत्तमतया अवगमनस्य अवसरः प्राप्स्यते।

सः पुस्तकालयानां महत्तायां बलं ददत् अकथयत् यत् कस्यापि राष्ट्रस्य भविष्यं केवलं महाविद्यालयेषु विश्वविद्यालयेषु च पठतां विद्यार्थिनां संख्यया न निर्धार्यते, अपितु अनेन अपि निर्धार्यते यत् कियन्तः जनाः पुस्तकालयानाम् उपयोगं कृत्वा ज्ञानम् अर्जयन्ति। पठनसंस्कृतिः एव समाजं वैचारिकदृष्ट्या समृद्धं करोति।

अमितशाह-महोदयः बंगालस्य बौद्धिकां सांस्कृतिकां च विरासतां उल्लिखन् अकथयत् यत् एषा धरा देशाय अनेकान् महतः साहित्यकारान्, वैज्ञानिकान्, क्रान्तिकारिणः, विद्वांसः च दत्तवती। सः विश्वासं व्यक्तवान् यत् पश्चिमबंगालं पुनरपि देशस्य विकासे अग्रणीं भूमिकां निर्वहिष्यति। सः अकथयत् यत् सः गतेभ्यः नवभ्यः मासेभ्यः पश्चिमबंगालस्य प्रगतेः उपरि दृष्टिं स्थापयति, राज्यं च देशस्य प्रकाशस्तम्भः भवत् गच्छति। शाह-महोदयः राज्यस्य भाजपासर्कारस्य प्रशंसां कुर्वन् अकथयत् यत् मुख्यमन्त्रिणा शुभेन्दु-अधिकारी-महोदयेन नेतृत्वे सोनार्-बांग्ला इत्यस्य निर्माणस्य संकल्पः अवश्यं पूर्णः भविष्यति।

अस्य संग्रहालयस्य प्रथमे चरणे भारतीयभाषानां, लिपीनां, साहित्यस्य वैविध्यस्य च प्रदर्शनं कृतम्। संग्रहालयः पारम्परिकप्रदर्शनस्थलस्य स्थाने आधुनिकस्य अनुभवात्मकस्य केन्द्रस्य रूपेण विकसितः, यत्र डिजिटल्-डिस्प्ले, होलोग्राम्, मोशन्-सेंसर्, अन्याः अत्याधुनिकाः तकनीकाः च माध्यमेन आगन्तुकाः भारतीयभाषानां विकासस्य यात्रां समीपे द्रष्टुं अनुभवितुं च शक्नुवन्ति।

शब्दसंग्रहालये आहत्य नव दीर्घाः निर्मिताः सन्ति, याः भारतीयभाषानाम् इतिहासं, विविधाः लिपीः, साहित्यं, भारतीयसभ्यतायां तासां प्रभावं च दर्शयन्ति। संग्रहालयः भारतस्य 22 अनुसूचितभाषानां समृद्धां विरासतां मौखिकाभिः परम्पराभिः, प्राचीनैः पाण्डुलिपिभिः, मुद्रितेन साहित्येन, आधुनिकैः डिजिटल्-माध्यमैः च यावत् यात्रया सह प्रस्तौति। अस्य उद्देश्यम् अस्ति भारतीयभाषाः एकां जीवन्तीं सांस्कृतिकीं धरोहरं रूपेण नूतनायाः पीढ्याः समक्षम् आनयनं देशस्य भाषिकवैविध्यस्य संरक्षणं लोकप्रियीकरणं च कर्तुम्।

--------------

Hindusthan Samachar / अंशु गुप्ता