Enter your Email Address to subscribe to our newsletters
नवदेहली, ०२ जुलाईमासः (हि.स.)। प्रधानमन्त्री नरेन्द्रमोदी गुरुवासरे कर्नाटकस्य बेङ्गलूरु-अर्बन-जनपदस्य एकस्यां शिलाखनौ जातायां दुर्घटनायां शोकं व्यक्तवान्। सः मृतकानां परिजनान् प्रति स्वसंवेदनां प्रकटितवान् तथा घातितानां शीघ्र-स्वास्थ्यलाभाय कामनाम् अकरोत्।
प्रधानमन्त्री सामाजिक-माध्यमे एक्स इत्यत्र उक्तवान्— “कर्नाटकस्य बेङ्गलूरु-अर्बन-जनपदे शिलाखनौ जातायां दुर्घटनायां जनानां मृत्योः समाचारं श्रुत्वा मम महान् शोकः अभवत्। येषां प्रियजना: दिवंगता:, तान् प्रति मम संवेदनाः। आहतानां शीघ्र-स्वास्थ्यलाभाय प्रार्थये।”
उल्लेखनीयम् अस्ति यत् बेङ्गलूरु-दक्षिण-तालुकस्य मादपट्टण-ग्रामस्य समीपे स्थितायां कावेरी-क्रशर-शिलाखनौ अद्य विशाल-शिलाखण्डस्य पतनेन सप्त श्रमिकाः मृताः, अपरे पञ्च जनाः गम्भीररूपेण घातिताः च अभवन्। आहताः आर. आर. चिकित्सालये प्रविष्टाः सन्ति, यत्र तेषां चिकित्सा प्रचलति।
Hindusthan Samachar / Divya Ranjan