मुरादाबादनगरम्, ०२ जुलाईमासः (हि.स.)। भारतीय-जनता-पक्षस्य मुरादाबाद-जनपद-शाखया गुरुवासरे ठाकुरद्वारा-विधानसभा-क्षेत्रे व्हाइट-हाउस-बैंकट-हॉल-इति स्थले कार्यकर्ता-सम्मेलनस्य आयोजनम् अभवत्। सम्मेलनस्य मुख्यातिथिः भारतीय-जनता-पक्षस्य उत्तरप्रदेश-प्रदेश-उपाध्यक्षः जनपद-प्रभारी च राजेश-यादवः अवदत् यत् भारतीय-जनता-पक्षः विश्वस्य बृहत्तमः लोकतान्त्रिकः कार्यकर्ता-आधारितश्च सङ्गठनम् अस्ति। भारतीय-जनता-पक्षे प्रत्येकः कार्यकर्ता केवलं सङ्गठनस्य सदस्यः न, अपितु राष्ट्रनिर्माणस्य अस्याः यात्रायाः सशक्तः सहभागी अस्ति।

प्रदेश-उपाध्यक्षः राजेश-यादवः अवदत् यत् भारतीय-जनता-पक्षस्य विचारधारा “राष्ट्रं प्रथमम्, सङ्गठनं सर्वोपरि, सेवा एव सङ्गठनम्” इति मूलमन्त्रे आधारितम् अस्ति। अनेनैव पक्षः अद्य देशस्य प्रत्येकं वर्गस्य विश्वासं सम्पादयितुं सफलः अभवत्। तेन पुनरुक्तं यत् प्रधानमन्त्री नरेन्द्रमोदी-महोदयस्य नेतृत्वे केन्द्रीय-सर्वकारेण तथा मुख्यमन्त्रिणः योगी-आदित्यनाथ-महोदयस्य नेतृत्वे उत्तरप्रदेश-सर्वकारेण जनकल्याणे, सुशासने, सुरक्षायाम्, दरिद्र-कल्याणे, कृषक-हिते, महिला-सशक्तीकरणे तथा यूनां विकासे ऐतिहासिकानि कार्याणि कृतानि। एतासाम् उपलब्धीनां गृहे गृहे प्रचारस्य दायित्वं प्रत्येकं कार्यकर्तुः अस्ति।

सम्मेलनस्य अध्यक्षतां कुर्वन् भारतीय-जनता-पक्षस्य जनपदाध्यक्षः आकाश-कुमार-पालः अवदत् यत् सङ्गठनस्य सुदृढता एव भारतीय-जनता-पक्षस्य महान् शक्तिः अस्ति। तेन सर्वान् कार्यकर्तॄन् आग्रहः कृतः यत् ते मतदान-केन्द्र-स्तरपर्यन्तं सङ्गठनं अधिकं सुदृढं कुर्वन्तु, परस्पर-समन्वयेन कार्यं कुर्वन्तु तथा जनानां मध्ये निरन्तरं सम्पर्कं धारयन्तु।

Hindusthan Samachar / Divya Ranjan