भुवनेश्वरम्, 02 जुलाईमासः (हि.स.)।

ओडिशाराज्यस्य मुख्यमन्त्री मोहनमाझी ओडियाभाषायाः आफा इति चलचित्रं राज्ये करमुक्तम् इति घोषितवान्। एतस्मिन् विषये प्रस्तुतस्य प्रस्तावस्य अनुमोदनं मुख्यमन्त्रिणा प्रदत्तम्। एषा सूचना मुख्यमन्त्रिकार्यालयेन प्रदत्ता।

अस्य चलचित्रस्य निर्देशनं प्रीतिराजसतपथी कृतवान्, निर्माणकार्यं च नैनादासतिवारी कृता। आफा इति चलचित्रस्य कथा अङ्गदानम् इति अत्यन्तसंवेदनशीलसामाजिकमहत्त्वयुक्तविषयम् आधारीकरोति। चलचित्रस्य उद्देशः मानवतायाः प्रति संवेदनशीलतां वर्धयितुं विशेषतः युवजनानां मध्ये अङ्गदानस्य विषये जागरूकतां जनयितुं च अस्ति।

चलचित्रे षोडशवर्षीया गम्भीररोगपीडिता किशोरी प्रेरणादायिनी कथारूपेण प्रदर्शिता अस्ति। सा जीवनस्य कठिनपरिस्थितिषु अपि स्वाङ्गदानस्य निर्णयं स्वीकृत्य मानवतायाः उत्कृष्टम् उदाहरणं प्रस्तुतवती। साहसस्य संवेदनशीलतायाः सामाजिकउत्तरदायित्वस्य च सन्देशं वहन्ती एषा चलचित्रकृति समाजे अङ्गदानस्य विषये सकारात्मकचिन्तनस्य विकासे जनजागरूकतावर्धने च महत्त्वपूर्णां भूमिकां निर्वक्ष्यति इति अपेक्षा अस्ति।

---------------

Hindusthan Samachar / Dheeraj Maithani