लखनऊ, 02 जुलाईमासः (हि.स.)।

उत्तरप्रदेशशिक्षासेवाचयनआयोगस्य प्रयागराजस्थितस्य आयोजनाधीने अध्यापकपात्रतापरीक्षा यूपीटीईटी २०२६ इत्यस्य अद्य प्रथमः दिवसः अस्ति। प्रथमदिने प्रथमपरीक्षासत्रस्य परीक्षा शान्तिपूर्णरीत्या सम्पन्ना अभवत्। द्वितीयपरीक्षासत्रस्य परीक्षा अपराह्णे सार्धद्विवादनात् पञ्चवादनपर्यन्तम् आयोजिता भविष्यति। एतदर्थं सुरक्षाव्यवस्थायाः दृढाः प्रबन्धाः कृताः सन्ति।

आयोगस्य अध्यक्षः डा प्रशान्तकुमारः अवदत् यत् लखनऊ कानपुर जौनपुरादिषु प्रदेशस्य षष्टिजिलेषु पञ्चनवतिनवशतपरीक्षाकेन्द्रेषु परीक्षाः सञ्चलन्ति। अस्यां परीक्षायां एकोनविंशतिलक्षाणि चतुर्नवतिसहस्राणि षट्षष्ट्यधिकषट्शतानि एकषष्टिः पञ्जीकृताः परीक्षार्थिनः सहभागिनः सन्ति। अद्य जुलैमासस्य उभयपरीक्षासत्रयोः तथा तृतीयजुलायदिनस्य प्रथमपरीक्षासत्रे उच्चप्राथमिकस्तरस्य षष्ठकक्षातः अष्टमकक्षापर्यन्तम् अभ्यर्थिनां परीक्षा भविष्यति। तृतीयजुलायदिनस्य द्वितीयपरीक्षासत्रे चतुर्थजुलायदिनस्य प्रथमपरीक्षासत्रे च प्राथमिकस्तरस्य प्रथमकक्षातः पञ्चमकक्षापर्यन्तम् अभ्यर्थिनां परीक्षा आयोज्यते।

अध्यक्षः अवदत् यत् शासनम् आयोगश्च एतां परीक्षां पूर्णतया पारदर्शिन्या निष्पक्षया शुचितापूर्णया च पद्धत्या सम्पादयितुं दृढसंकल्पितौ स्तः। एतत् दृष्ट्वा सर्वेषु परीक्षाकेन्द्रेषु सुरक्षाव्यवस्था सुनिश्चिता कृता अस्ति तथा सीसीटीवी निरीक्षणयन्त्राणि अपि स्थापितानि सन्ति।

अध्यक्षः सर्वान् परीक्षार्थिनः प्रार्थितवान् यत् ते समयेन परीक्षाकेन्द्रेषु उपस्थिताः भवेयुः तथा प्रवेशपत्रे मुद्रितानां निर्देशानाम् अक्षरशः पालनं कुर्वन्तु। शासनस्य निर्देशानुसारं केन्द्रेषु तेषां हिताय सर्वाः आवश्यकव्यवस्थाः सुनिश्चिताः कृताः सन्ति। सः अपि उक्तवान् यत् अभ्यर्थिनः कस्यापि अफवाहायाः बहकावस्य वा प्रभावे न आगच्छेयुः तथा सर्वासां सूचनानां पुष्टिं आयोगस्य आधिकारिकजालपुटे पश्येयुः।

---------------

Hindusthan Samachar / Dheeraj Maithani