-संकटविश्लेषणं प्रत्याधारित चयन प्रणाल्या समक्षम् आगता विसंगतिः

जयपुरम्, 02 जुलाईमासः (हि.स.)।

राज्ये करचौर्यस्य अवैधबिलनिर्माणस्य तथा निवेशकरश्रेयस्य प्रभाविनियन्त्रणार्थं राज्यकरविभागेन दत्तांशविश्लेषणाधारितः विशेषसत्यापनाभियानः सञ्चालितः, यस्मिन् बह्व्यः विसंगतयः प्रकाशम् आगताः।

विभागस्य अधिकारिणः अवदन् यत् दत्तांशविश्लेषणस्य जोखिमविश्लेषणस्य च आधारेण प्रदेशव्यापिनः सन्दिग्धजीएसटी पञ्जीकरणानां भौतिकसत्यापनं कारितम्। अस्य अभियानस्य अन्तर्गतं षष्टिः सन्दिग्धपञ्जीकरणानि परीक्षितानि, येषु प्रारम्भिकसत्यापने एव द्वात्रिंशत् पञ्जीकरणानि अवैधानि अस्तित्वहीनानि च प्राप्तानि। अवशिष्टेषु चिन्हितेषु प्रकरणेषु अन्वेषणं निरन्तरं प्रवर्तते।

विभागस्य अधिकारिणः अवदन् यत् सत्यापनाभियानस्य समये शीघ्रकार्यवाही कृत्वा अद्यावधि पञ्चदशदशमलवसप्तत्रिंशत्कोटिरूप्यकपरिमितः निवेशकरश्रेयः अवरुद्धः कृतः। अवशिष्टप्रकरणानां सूक्ष्मतया अन्वेषणं क्रियते तथा अन्वेषणसमाप्तेः अनन्तरं नियमानुसारं वैधानिकी कार्यवाही सुनिश्चिता भविष्यति।

विभागस्य अधिकारिणः अवदन् यत् एषा सफलता विभागेन विकसितायाः दत्तांशविश्लेषणाधारितायाः जोखिमाधारितचयनप्रणाल्याः प्रभावशीलतां प्रतिपादयति। सन्दिग्धव्यापारव्यवहाराः असामान्यव्यापारक्रियाः च इत्यादीनां विश्लेषणात्मकसंकेतकानाम् आधारेण चिन्हितेषु प्रकरणेषु एतादृशी महती विसंगतिः पञ्जीकरणेषु ज्ञाता, इयं विभागस्य महत्त्वपूर्णा उपलब्धिः अस्ति।

अधिकारिणः अवदन् यत् अवैधबिलनिर्माणेन निवेशकरश्रेयस्य दुरुपयोगेन च राजस्वहानिं कुर्वतां जालकानां विरुद्धं भविष्ये अपि एतादृशानि दत्तांशाधारितविशेषाभियानानि निरन्तरं सञ्चालयिष्यन्ते। दोषिणः व्यक्तयः संस्थाश्च जीएसटी अधिनियमस्य प्रावधानानुसारं कठोरकार्यवाह्याः विषयाः भविष्यन्ति।

एतेन सह विभागेन समस्तान् करदातॄन् अपि प्रार्थितम् यत् ते राज्यस्य विकासे सहभागिनः भूत्वा केवलं वास्तविकान् विधिसम्मतान् व्यापारव्यवहारान् एव कुर्वन्तु तथा अवैधबिलनिर्माणात् निवेशकरश्रेयदुरुपयोगात् च दूरं तिष्ठन्तु।

---------------

Hindusthan Samachar / Dheeraj Maithani