Enter your Email Address to subscribe to our newsletters
भारतीयेतिहासे जुलाई मासस्य २१ दिनाङ्कः महिलानां सिद्धीनां कृते अत्यन्तं महत्त्वपूर्णः दिवसः मन्यते। अस्मिन्नेव दिने २००७ तमे वर्षे प्रतिभादेवीसिंहपाटिल महोदया राष्ट्रपतिनिर्वाचने विजयं प्राप्य भारतस्य प्रथमा महिला राष्ट्रपतिः अभवत्। विश्वेतिहासे अपि अस्य दिनस्य विशेषं महत्त्वम् अस्ति, यतः १९६० तमे वर्षे सिरिमावो भण्डारनायके विश्वस्य प्रथमा महिला प्रधानमन्त्री अभवत्।
प्रतिभादेवीसिंहपाटिल महोदयायाः जन्म १९ दिसम्बर १९३४ तमे वर्षे अभवत्। राष्ट्रपतिनिर्वाचने विजयप्राप्तेः अनन्तरं सा २५ जुलै २००७ तमे वर्षे भारतस्य द्वादशमी राष्ट्रपतिः इति पदे शपथं स्वीकृतवती। २००७ तः २०१२ पर्यन्तं सा राष्ट्रस्य सर्वोच्चसंवैधानिकपदस्य दायित्वं सम्यक् निर्वाहितवती। अस्मिन् पदे अधिष्ठात्री प्रथमा भारतीयमहिला इति गौरवं तया प्राप्तम्। तस्याः विजयः भारतीयलोकतन्त्रे महिलानां वर्धमानसहभागितायाः नेतृत्वक्षमतायाश्च महत्त्वपूर्णः प्रतीकः मन्यते।
विश्वराजनीत्यामपि जुलै मासस्य २१ दिनाङ्कः ऐतिहासिकः दिवसः अस्ति। १९६० तमे वर्षे अस्मिन्नेव दिने सिरिमावो भण्डारनायके तत्कालीनस्य सीलोनदेशस्य अधुना श्रीलङ्कादेशस्य प्रधानमन्त्रीपदे शपथं स्वीकृत्य विश्वस्य प्रथमा महिला प्रधानमन्त्री अभवत्।
सिरिमावो भण्डारनायके महोदयायाः जन्म १७ एप्रिल १९१६ तमे वर्षे अभवत्। सा स्वभर्तुः श्रीलङ्का फ्रीडम्पार्टी दलस्य नेतुः एस डब्ल्यू आर डी भण्डारनायके इत्यस्य राजनैतिकपरम्परां अग्रे नीतवती। १९५२ तमे वर्षे सम्पन्नेषु सामान्यनिर्वाचनेषु सा स्वभर्तुः पक्षे सम्पूर्णदेशे व्यापकप्रचारं कृतवती। भर्तुः हत्यायाः अनन्तरं १९६० तमस्य वर्षस्य मई मासे सा सर्वसम्मत्याः श्रीलङ्का फ्रीडम्पार्टी दलस्य अध्यक्षा निर्वाचिता। तस्मिन्नेव वर्षे सम्पन्नेषु सामान्यनिर्वाचनेषु दलस्य विजयस्य अनन्तरं सा प्रधानमन्त्रीपदस्य शपथं स्वीकृतवती।
महत्त्वपूर्णाः घटनाः
१८८३ कोलकातानगरे भारतस्य प्रथमस्य सार्वजनिकनाट्यगृहस्य आरम्भः अभवत्।
१८८४ लॉर्ड्स क्रीडाङ्गणे प्रथमः क्रिकेट परीक्षणस्पर्धा अभवत्।
१८८८ ब्रिटिशाविष्कारकः डनलप टायर ट्यूब च निर्मितवान् येन परिवहनसाधनानां गतिः वर्धिता।
१९०४ त्रयोदशवर्षपर्यन्तं सम्पन्ननिर्माणकार्यानन्तरं रूसदेशे ४६०७ किलोमीटर दीर्घायाः ट्रान्स साइबेरियन रेलमार्गस्य निर्माणकार्यं सम्पन्नम्।
१९४० सोवियतसङ्घेन एस्टोनिया लातविया लिथुआनिया च आधीनीकृतानि।
१९६० श्रीलङ्कादेशे तत्कालीनसीलोनदेशे सिरिमावो भण्डारनायके विश्वस्य प्रथमा महिला प्रधानमन्त्री अभवत्।
१९६२ भारतचीनदेशयोः सीमायां युद्धम् अभवत्।
१९६३ वाराणसीस्थितस्य काशीविद्यापीठस्य विश्वविद्यालयत्वं प्रदत्तम्।
१९६९ अमेरिकादेशीयौ अन्तरिक्षयात्रिकौ नील आर्मस्ट्राङ्ग एडविन एल्ड्रिन चन्द्रतले अवतरितवन्तौ।
१९७७ नीलमसञ्जीवरेड्डी भारतस्य राष्ट्रपतिः निर्वाचितः।
१९८३ रूसदेशस्य वोस्टोकस्थानके तापमानम् ऋण ८९ दशमलव २ अंश सेल्सियस पर्यन्तम् अगच्छत्। पृथिव्यां एतदेव अद्यावधि न्यूनतमं तापमानम् अस्ति।
१९८८ भारतीयराष्ट्रीयोपग्रहस्य इनसैट १ सी इत्यस्य प्रक्षेपणम् अभवत्।
२००४ संयुक्तराष्ट्रमहासभया बहुमतेन पश्चिमतटस्थितेभ्यः फिलिस्तीनीयप्रदेशेभ्यः इस्रायलदेशस्य सैन्यप्रत्याहारसम्बद्धः प्रस्तावः स्वीकृतः।
२००७ वाशिङ्गटननगरे चतुर्दिनात्मकविमर्शानन्तरं भारतअमेरिकापरमाणुसमझौतायाः प्रारूपं सिद्धम्।
२००७ हैरी पॉटर एण्ड द डेथली हैलोज इति हैरी पॉटर श्रेण्याः अन्तिमा पुस्तिका प्रकाशिताभवत्।
२००७ प्रतिभादेवीसिंहपाटिल भारतस्य प्रथमा महिला राष्ट्रपतिः अभवत्।
२००८ नेपालीकाङ्ग्रेसदलस्य वरिष्ठनेता भारतीयमूलोद्भवः रामबरन यादव नेपालदेशस्य प्रथमः राष्ट्रपतिः निर्वाचितः।
२०११ नासा संस्थायाः अटलांटिस नामकः ऑर्बिटर पृथिवीं प्रत्यागच्छत्। अनेन सह अमेरिका १३५ अभियानानन्तरं स्पेस शटल कार्यक्रमं समाप्तवान्।
२०१३ बेल्जियमदेशस्य महाराजः अल्बर्ट द्वितीयः स्वपुत्रस्य फिलिप इत्यस्य राज्याभिषेकाय राजसिंहासनम् अत्यजत्।
जन्म
१८९० जयरामदास दौलतराम भारतस्य स्वतन्त्रतासेनानी राजनीतिज्ञश्च।
１８९９ अर्नेस्ट हेमिङ्ग्वे अमेरिकादेशीयः उपन्यासकारः लघुकथालेखकः पत्रकारश्च।
１９१० विगगो कैम्पमैन डेनमार्कदेशस्य सामाजिकलोकतान्त्रिकदलस्य प्रसिद्धः नेता राजनीतिज्ञश्च।
１９१० विट्ठलसखाराम पागे भारतस्य प्रसिद्धः स्वतन्त्रतासेनानी कुशलः राजनीतिज्ञश्च।
１９११ उमाशङ्कर जोशी ज्ञानपीठपुरस्कारसम्मानितः प्रसिद्धः गुजरातीसाहित्यकारः।
１９३० आनन्द बख्शी भारतीयः कविः चलचित्रगीतकारश्च।
１９४० शङ्करसिंह वाघेला भारतीयः राजनीतिज्ञः गुजरातराज्यस्य भूतपूर्वः द्वादशः मुख्यमन्त्री।
１９४७ चेतन चौहान प्रसिद्धः भारतीयः क्रिकेटक्रीडकः।
निधन
１９०６ व्योमेशचन्द्र बनर्जी भारतीयराष्ट्रीयकाङ्ग्रेसस्य प्रथमाध्यक्षः।
１９７२ जिग्मे दोरजी वाङ्चुक भूटानदेशस्य तृतीयः राजा।
１９९५ सज्जाद हुसैन भारतीयहिन्दीचलच्चित्रसङ्गीतस्य प्रसिद्धः सङ्गीतकारः।
２００１ शिवाजी गणेशन प्रसिद्धः तमिळचलच्चित्राभिनेता।
２００७ अनिसेत्ति रघुवीर असमराज्यस्य भूतपूर्वः राज्यपालः।
２００９ गङ्गूबाई हङ्गल भारतीयशास्त्रीयसङ्गीतस्य प्रसिद्धा गायिका।
２０２० लालजी टण्डन भारतस्य प्रसिद्धः वरिष्ठः राजनीतिज्ञः।
Hindusthan Samachar / Dheeraj Maithani