कानपुरम्, 20 जुलाईमासः (हि.स.)। हरितहाइड्रोजनक्षेत्रे अनुसंधानस्य नवाचारस्य च संवर्धनदिशि भारतीयप्रौद्योगिकीसंस्थानस्य कानपुरकेन्द्रस्य एतत् उत्कृष्टताकेन्द्रं महत्त्वपूर्णां भूमिकां निर्वक्ष्यति।

एतानि वचनानि सोमवासरे भारतीयप्रौद्योगिकीसंस्थानस्य कानपुरनिदेशकः प्रो मणीन्द्र अग्रवालः उक्तवान्। सः अवदत् यत् उत्तरप्रदेशस्य हरितहाइड्रोजननीतिः २०२४ अन्तर्गतं भारतीयप्रौद्योगिकीसंस्थाने कानपुरे हरितहाइड्रोजनविषये नवाचारस्य एकीकृतहरितहाइड्रोजनपारिस्थितिकीतन्त्रस्य उत्कृष्टताकेन्द्रस्य ईकोजेन इति नाम्नः स्थापना भविष्यति। अस्य प्रस्तावस्य उत्तरप्रदेशसर्वकारस्य अधिकृतसमित्याः अनुमोदनानन्तरं उत्तरप्रदेशनवीननवीकरणीयऊर्जाविकासाभिकरणेन यूपीनेडा इत्यनेन अपि अनुमोदनं प्रदत्तम्।

प्रो मणीन्द्र अग्रवालः अवदत् यत् उत्कृष्टताकेन्द्रस्य उद्देश्यं हरितहाइड्रोजनस्य सम्पूर्णमूल्यशृङ्खलायां अनुसंधानस्य नवाचारस्य प्रौद्योगिकविकासस्य च संवर्धनम् अस्ति। अनेन हरितहाइड्रोजनस्य उत्पादनात् आरभ्य भण्डारणपरिवहनोपयोगयोः विभिन्नप्रणालीनाम् एकीकरणपर्यन्तं बहुविषयकानुसंधानस्य प्रोत्साहनं भविष्यति। तेन सह राज्यस्य शून्यप्रदूषणलक्ष्यस्य नेट जीरो इति लक्ष्यस्य सिद्धौ अपि एतत् केन्द्रं महत्त्वपूर्णां भूमिकां निर्वहिष्यति।

अस्याः परियोजनायाः अन्तर्गतं हरितहाइड्रोजनोत्पादनस्य व्ययस्य न्यूनीकरणे स्वच्छस्थायिऊर्जासमाधानानां विकासे उद्योगैः सह समन्वयेन नूतनप्रौद्योगिकीनां विकासे च विशेषबलं प्रदास्यते। अनेन ऊर्जाक्षेत्रे नवाचारस्य संवर्धनं भविष्यति तथा देशे हरितऊर्जायाः उपयोगस्य अपि प्रवेगः वर्धिष्यते इति अपेक्षा अस्ति।

अस्य उत्कृष्टताकेन्द्रस्य नेतृत्वं भारतीयप्रौद्योगिकीसंस्थानस्य कानपुरस्य सततऊर्जाअभियांत्रिकीविभागस्य प्राध्यापकः प्रो प्रबोध बाजपेयी प्रधानान्वेषकरूपेण करिष्यति। परियोजनया सम्बद्धाः सर्वे अन्वेषकाः बहुविषयकानुसंधानविकासयोः व्यापकानुभवसम्पन्नाः सन्ति तथा तेषां विभिन्नैः अग्रणीऔद्योगिकसंस्थाभिः सह सहयोगः अपि स्थापितः अस्ति। संस्थानस्य मतम् अस्ति यत् अस्याः सहभागितायाः माध्यमेन हरितहाइड्रोजनप्रौद्योगिकीसम्बद्धानाम् अनुसंधानविकासकार्याणां नूतना दिशा भविष्यति तथा स्वच्छऊर्जाक्षेत्रे उत्तरप्रदेशस्य भूमिका अधिका सुदृढा भविष्यति।

Hindusthan Samachar / Dheeraj Maithani