पटनानगरम्, २० जुलाईमासः (हि.स.)। बिहार-भाजपा-प्रदेश-कार्यालये सोमवासरे आयोजिते मिलन-समारोहे जन-सुराज-पक्षस्य समस्तीपुर-विधानसभा-निर्वाचनक्षेत्रस्य पूर्वप्रत्याशी चिकित्सकः डॉ. मनोज-कुमार-सिंहः स्वसमर्थकैः सह भारतीय-जनता-पक्षस्य सदस्यतां स्वीकृतवान्।

बिहार-सर्वकारस्य मन्त्री भाजपा-पक्षस्य वरिष्ठनेता च प्रमोद-चन्द्रवंशी सर्वान् नवागतान् नेतॄन् कार्यकर्तॄंश्च भाजपायाः सदस्यतां ग्राहयित्वा तेषां दले स्वागतं कृतवान्।

भाजपा-सदस्यतां स्वीकृतवत्सु जन-सुराज-पक्षस्य समस्तीपुर-विधानसभा-निर्वाचनक्षेत्रस्य पूर्वप्रत्याशी डॉ. मनोज-कुमार-सिंहः (एमबीबीएस, एमडी, श्रीरामचन्द्र-चिकित्सालयः, आदर्श-नगरम्, समस्तीपुरम्) इत्यस्य अतिरिक्तम् अमित-कुमारः, सर्वजीत-कुमारः, आदित्य-आनन्दः तथा बहुसंख्याकाः सामाजिक-कार्यकर्तारः समर्थकाश्च भाजपायां समाविष्टाः।

अस्मिन् अवसरे मन्त्री प्रमोद-चन्द्रवंशी सर्वान् नूतनसदस्यान् स्वागतं कुर्वन् अवदत् यत् प्रधानमन्त्री नरेन्द्र-मोदिनः नेतृत्वे देशः विकासस्य, सुशासनस्य, दरिद्र-कल्याणस्य च दिशि नूतनाः उन्नतयः प्राप्नोति। केन्द्र-बिहार-राज्ययोः एनडीए-सर्वकारस्य जनहितकारी-योजनाभिः प्रभाविताः विभिन्न-राजनैतिक-दलानां नेतारः कार्यकर्तारश्च निरन्तरं भाजपया सह सम्बध्यन्ते। सः अवदत् यत् भाजपा अद्य विश्वस्य बृहत्तमा राजनैतिक-पक्ष: अस्ति तथा तस्याः विचारधारा समाजस्य सर्वेषु वर्गेषु प्रसृता अस्ति।

सः अवदत् यत् डॉ. मनोज-कुमार-सिंह इव सुशिक्षितस्य, प्रतिष्ठितस्य, सामाजिक-उत्तरदायित्वैः सम्बद्धस्य व्यक्तित्वस्य भाजपायां आगमनेन संगठनाय नूतना ऊर्जा प्राप्स्यते। तेन सह सम्बद्धाः शतशः कार्यकर्तारः समस्तीपुर-सहिते सम्पूर्णे बिहार-राज्ये भाजपायाः संगठनं अधिकं सुदृढं करिष्यन्ति तथा दलस्य विचारधारां जनं जनं प्रति प्रसारयितुं महत्त्वपूर्णां भूमिकां निर्वहिष्यन्ति।

प्रमोद-चन्द्रवंशी अवदत् यत् भाजपा केवलं राजनैतिक-दलम् न, अपितु राष्ट्रनिर्माण-संकल्पेन कार्यरतं विशालम् संगठनम् अस्ति। सेवा, सुशासनम्, अन्त्योदयः, विकासश्च भाजपायाः मूल-परिचयः अस्ति। तेन विश्वासः व्यक्तीकृतः यत् नूतनसहचराणां समागमेन संगठनस्य शक्तिः अधिका भविष्यति तथा बिहारे भाजपायाः जनाधारः अधिकः व्यापकः भविष्यति।

मिलन-समारोहे भाजपा-प्रदेश-महामन्त्री धनराज-शर्मा, प्रदेश-उपाध्यक्षः प्रणय-यादवः, प्रदेश-माध्यम-प्रभारी दानिश-इकबालः, प्रदेश-सह-माध्यम-प्रभारी अमित-प्रकाश-बबलू, समस्तीपुर-जनपदाध्यक्षः नीलम-सहनी, कार्यालय-मन्त्री विनय-केसरी तथा दलस्य वरिष्ठ-पदाधिकारिणः कार्यकर्तारश्च उपस्थिताः आसन्।

Hindusthan Samachar / Divya Ranjan