भागलपुरम्, 20 जुलाईमासः (हि.स.)।

यात्रिकसुविधानां उन्नयनस्य दिशि महत्त्वपूर्णं पदम् उपक्षिप्य ईस्टर्नरेलवेस्य मालदामण्डलेन कहलगांवरेलस्थानके चलभोजनयानस्य सुविधा प्रारब्धा।

अस्याः सुविधायाः उद्देश्यं यात्रिकेभ्यः स्वच्छं ताजं उत्तमगुणयुक्तं किफायतिमूल्येन च भोजनं पेयपदार्थांश्च प्रदातुम् अस्ति। एतद्विषये सूचनां सोमवासरे मालदामण्डलस्य जनसम्पर्काधिकारी अददात्। तेन उक्तं यत् एषा योजना मालदामण्डलस्य मण्डलीयरैलप्रबन्धकस्य मनीषकुमारगुप्तस्य मार्गदर्शने तथा मालदामण्डलस्य वरिष्ठमण्डलीयवाणिज्यप्रबन्धकस्य कार्तिकसिंहस्य पर्यवेक्षणे प्रारब्धा। एषा योजना भोजनसेवानां यात्रिकसुविधानां च उन्नयनार्थं मण्डलस्य निरन्तरप्रयत्नानां भागः अस्ति।

चलभोजनयानसुविधायाः उद्घाटनं कहलगांवविधानसभाक्षेत्रस्य विधायकः शुभानन्दमुकेशः अकरोत्। अस्मिन् अवसरे कहलगांवनगरपञ्चायतस्य प्रतिनिधयः, स्थानकविकाससमितेः सदस्याः, स्थानकाध्यक्षः, रेलाधिकारिणः, स्थानीयनिवासिनः, रेलयात्रिकाश्च उपस्थिताः आसन्। अस्मिन् चलभोजनयाने स्वच्छता, शौचपालनम्, उत्कृष्टसेवा च सुनिश्चितुं आधुनिकसुविधाः प्रदत्ताः सन्ति। अस्मिन् याने नानाविधानि ताजभोजनपदार्थाः, पेयपदार्थाः, लघुभोजनानि च उपलब्धानि सन्ति, येन यात्रिकाः यात्राकाले सुगमतया उत्तमगुणयुक्तं लघुभोजनं पेयपदार्थांश्च प्राप्तुं शक्नुवन्ति।

---------------

Hindusthan Samachar / Dheeraj Maithani