लखनऊ, 20 जुलाईमासः (हि.स.)।

उत्तरप्रदेशस्य व्यावसायिकशिक्षा कौशलविकास उद्यमशीलता च विभागस्य स्वतन्त्रप्रभारयुक्तः राज्यमन्त्री कपिलदेवअग्रवालः मुख्यमन्त्रिणः योगीआदित्यनाथस्य योगीकीपाती इत्यस्मिन् पत्रे गौरवं व्यक्तवान्।

मन्त्री अग्रवालः सोमवासरे प्रकाशितायां पत्रकारविज्ञप्तौ अवदत् यत् मुख्यमन्त्रिणः नेतृत्वे कौशलविकासविभागेन प्रशिक्षिताः युवानः आत्मनिर्भराः भवन्ति तथा प्रदेशस्य विकासस्य आधाररूपेण अपि प्रतिष्ठिताः भवन्ति। एतत् पत्रं तान् अधिकपरिश्रमाय तथा युवानः सम्यक् लगनेन प्रशिक्षणं ग्रहीतुं प्रेरयिष्यति।

मुख्यमन्त्री योगीआदित्यनाथः योगीकीपाती इत्यस्य माध्यमेन उक्तवान् यत् प्रदेशस्य युवाशक्तिः कौशलेन सम्बद्धा भूत्वा विकसितउत्तरप्रदेशस्य तथा एकट्रिलियनडालरपरिमितार्थव्यवस्थायाः निर्माणस्य मार्गं प्रशस्तं करिष्यति।

मुख्यमन्त्री योगी कर्मणः कौशलस्य च सर्वोच्चस्थानं ददत्याः सनातनसंस्कृतेः मूल्यानि अस्य विश्वासस्य आधाररूपेण निर्दिष्टवान्। अस्य उदाहरणरूपेण तेन रामायणे रामसेतुनिर्माणस्य उल्लेखः कृतः। तेन सोनभद्रजनपदस्य हेमायाः उदाहरणम् अपि प्रस्तुतम्। सा उत्तरप्रदेशराज्यग्रामीणआजीविकामिशनस्य साहाय्येन विंशतिसहस्ररूप्यकैः आरब्धं स्वकीयं काष्ठोपकरणव्यवसायं लक्षाधिकपरिवर्तनयुक्तव्यवसाये परिवर्तितवती।

मुख्यमन्त्री अवदत् यत् योगीसर्वकारेण गतनववर्षेषु पारम्परिककौशलस्य आधुनिकप्रौद्योगिक्याः च समन्वयेन उत्तरप्रदेशः कौशलप्रदेशरूपेण परिवर्तितः। कौशलसेतु तथा कौशलसारथी इत्येतयोः शुभारम्भः अस्य संकल्पस्य प्रतीकः अस्ति। प्रदेशः सूचना प्रौद्योगिकी, इलेक्ट्रोनिक्स, कृत्रिमबुद्धिमत्ता च क्षेत्रेषु प्रमुखकेन्द्ररूपेण प्रतिष्ठां प्राप्नोति। एकजनपदएकउत्पाद योजना इत्यस्य माध्यमेन पारम्परिककौशलं वैश्विकपरिचयं प्राप्तवति।

मन्त्री कपिलदेवअग्रवालः अवदत् यत् टेकयुवा समर्थयुवा इति पहलः नूतनसंततिं भविष्यस्य प्रौद्योगिकीभिः सम्बध्नाति। मुख्यमन्त्रीयुवाउद्यमीविकासअभियानम् इति योजना कौशलं स्वरोजगारस्य उद्यमशीलतायाश्च शक्तौ परिवर्तयति। प्रोजेक्टप्रवीण इत्यस्य माध्यमेन विद्यार्थिभ्यः नियमितशिक्षया सह निःशुल्कव्यावसायिककौशलप्रशिक्षणं प्रदीयते। स्किलफारजीरोपावर्टी इति पहलस्य अन्तर्गतं निर्धनपरिवारस्य एकः सदस्यः कौशलेन सम्बद्धः कृत्वा आत्मनिर्भरः क्रियते।

तेन सूचितं यत् केवलं एमएसएमई क्षेत्रेण एव प्रायः चत्वारि कोटियुवकेभ्यः जीविकायाः अवसराः स्रष्टाः सन्ति। तेन युवभ्यः न्यूनातिन्यूनम् एकं कौशलम् अधीत्य समाजस्य प्रदेशस्य च प्रगत्यां सक्रियरूपेण सहभागित्वं कर्तुम्, लाभान्वितैः युवभिः स्वसहचराणाम् अपि एतासां योजनानां सूचना प्रदातुम् आग्रहः कृतः।

Hindusthan Samachar / Dheeraj Maithani