वाराणसी, 20 जुलाईमासः(हि.स.)।उत्तरप्रदेशस्य वाराणसीजनपदे स्थिते मृत्युञ्जयमहादेवमन्दिरे सोमवासरे प्रातःकालात् एव श्रद्धालूनां विशालः जनसमागमः अभवत्। श्रावणमासारम्भात् पूर्वमेव श्रद्धालूनां भीडः वर्धितः इति दृष्ट्वा मन्दिरप्रशासनेन समुचिता व्यवस्था कृता। मन्दिरप्राङ्गणे श्रद्धालूनां द्वे पङ्क्ती स्थापिते, अपरापि पङ्क्तिः मन्दिरस्य बहिः स्थापनीया अभवत्। जलार्पणं कुर्वद्भ्यः श्रद्धालुभ्यः पृष्ठद्वारेण प्रवेशः प्रदत्तः।

मृत्युञ्जयमहादेवमन्दिरे जपमालां कुर्वन् पण्डितः अजयः अवदत् यत् काश्यां वातावरणं श्रावणमाससदृशं जातम् अस्ति। अनेन कारणेन रिमझिमवृष्टेः मध्ये अद्य श्रावणमासारम्भात् पूर्वमेव सोमवासरे श्रद्धालूनां महान् जनसमागमः अभवत्। दुग्धं जलं च समर्पयतां श्रद्धालूनां श्रद्धा एतादृशी अस्ति यत् मन्दिरात् जलस्य धारा प्रवहन्ती इव दृश्यते। मन्दिरे महामृत्युञ्जयजपं कुर्वद्भिः ब्राह्मणबन्धुभिः स्वनित्यकर्म अपि विधिवत् सम्पाद्यते। श्रद्धालूनां मध्ये अपारा श्रद्धा भक्तिश्च दृश्यते।

तेन उक्तं यत् आगामिनि त्रिंशत्तमे जुलैमासस्य गुरुवासरे श्रावणमासस्य आरम्भः भविष्यति। तस्य समापनं अष्टाविंशत्तमे अगस्तमासस्य शुक्रवासरे रक्षाबन्धनोत्सवेन सह भविष्यति। अस्मिन् पवित्रे मासे चत्वारः सोमव्रताः भविष्यन्ति। तेषां प्रारम्भः तृतीये अगस्तमासस्य भविष्यति। श्रावणमासे प्रथमः श्रावणसोमवासरः तृतीये अगस्ते, द्वितीयः श्रावणसोमवासरः दशमे अगस्ते भविष्यति। अस्मिन् दिने सोमप्रदोषव्रतस्य दुर्लभः संयोगः अपि भविष्यति। तृतीयः श्रावणसोमवासरः सप्तदशे अगस्ते नागपञ्चम्यां भविष्यति तथा चतुर्थः श्रावणसोमवासरः चतुर्विंशत्तमे अगस्ते भविष्यति।

मृत्युञ्जयमन्दिरे दर्शनार्थम् आगतः श्रद्धालुः शिवप्रकाशः अवदत् यत् दीर्घकालानन्तरं मन्दिरे पुनः विशालः जनसमागमः दृश्यते। मन्दिरस्य समीपे मालापुष्पविक्रेतॄणां मुखेषु अपि प्रसन्नता दृश्यते। तथापि मालापुष्पानां मूल्यं वर्धितम् अस्ति।

---------------

Hindusthan Samachar / Dheeraj Maithani