उज्जैनम्, 21 जुलाईमासः (हि.स.) ।मध्यप्रदेशस्य उज्जयिनीजनपदस्थिते ज्योतिर्लिङ्गे श्रीमहाकालेश्वरमन्दिरे सोमवासरस्य रात्रौ बालीवुडस्य अभिनेता कार्तिक आर्यनः बाबा महाकालस्य शयनारत्यां सहभागी भूत्वा दर्शनं कृतवान्, यदा तु मङ्गलवासरस्य प्रातःकाले ओडिशाराज्यस्य राज्यमन्त्री गोकुला नन्दः प्रातःकालीनभस्मारत्यां सहभागित्वा महाकालस्य आशीर्वादम् अलभत।

बालीवुडस्य अभिनेता कार्तिक आर्यनः सोमवासरस्य रात्रौ उज्जयिनीस्थितं महाकालेश्वरमन्दिरम् अगच्छत्। सरलवेषे नीलवर्णीयजीन्सवस्त्रं श्वेतवर्णीयां कमीजं च धारयन् कार्तिकः नन्दीमण्डपे उपविश्य रात्रिकालीनशयनारत्यां पूर्णश्रद्धया सहभागी अभवत्। आरत्याः समापनानन्तरं सः मन्दिरस्य प्राचीनपरम्पराम् अनुसृत्य नन्दीमहाराजस्य कर्णे स्वमनोकामनाम् उक्तवान् तथा महाकालस्य चरणयोः प्रणम्य देशस्य विश्वस्य च सुखसमृद्धये प्रार्थनाम् अकरोत्।

अस्मिन् अवसरे मन्दिरपरिसरे उपस्थितेषु प्रशंसकेषु श्रद्धालुषु च अभिनेतारं दृष्ट्वा महान् उत्साहः दृश्यते स्म। तथापि कार्तिकः शान्तचित्तेन पूजार्चनां सम्पन्न्य ततः प्रस्थितवान्।

उल्लेखनीयम् अस्ति यत् चलचित्रे चन्दू चैंपियन इत्यस्य कृते कार्तिक आर्यनः सर्वश्रेष्ठाभिनेता सम्मानं प्राप्तवान्। आगामिषु दिनेṣu कार्तिकः फैन्टेसी हास्यचलच्चित्रे नागजिला इति, देशभक्तिप्रधाने क्रियाप्रधाने चलच्चित्रे, कबीरखानस्य निर्देशनाधीननिर्मीयमाणे क्रीडाप्रधाने नाट्यचलच्चित्रे च दृश्यते।

अपरतः मङ्गलवासरस्य प्रातःकाले ओडिशासरकारस्य मत्स्यपालनपशुसंसाधनविकाससूक्ष्मलघुमध्यमोद्यमविभागस्य राज्यन्त्री स्वतन्त्रप्रभारयुक्तः गोकुला नन्दः अपि महाकालस्य सन्निधौ प्रणामं कर्तुं प्राप्तवान्। सः प्रातःकालीनभस्मारत्यां सहभागी भूत्वा बाबा महाकालस्य दिव्यरूपाणां दर्शनलाभम् अलभत् तथा विधिविधानपूर्वकं पूजार्चनां कृत्वा राष्ट्रस्य राज्यस्य च सुखसमृद्धये प्रार्थनाम् अकरोत्। आरत्याः दर्शनपूजनस्य च अनन्तरं श्रीमहाकालेश्वरमन्दिरप्रबन्धसमित्याः पक्षतः अभियन्ता शिवकान्तपाण्डेयः ओडिशाराज्यस्य राज्यमन्त्रिणः आत्मीयस्वागतं कृतवान् तथा महाकालस्य शालां प्रसादं स्मृतिचिह्नं च समर्प्य तस्य सम्मानम् अकरोत्।

---------------

Hindusthan Samachar / Dheeraj Maithani