किशनगंजः, 21 जुलाईमासः (हि.स.)। भारतसर्वकारस्य युवा कार्यक्रमक्रीडामन्त्रालयेन सञ्चालितस्य रोडमैप ऑन नारकोटिक्स कंट्रोल (२०२६ २९) अभियानस्य अन्तर्गतं पूर्णिया विश्वविद्यालयेन राष्ट्रीयसेवायोजनायाः (एनएसएस) मास्टर वालण्टियर्स (मास्टर ट्रेनर्स) इत्येषां सूची प्रकाशिता। अस्याम् किशनगञ्जस्य मारवाडी महाविद्यालयस्य द्वे छात्रे ईशा साह (यूजी सेमेस्टर द्वितीय) तथा दिव्या महतो (यूजी सेमेस्टर पञ्चम) इत्येतयोः चयनः कृतः। अयं चयनः मादकद्रव्याणां वर्धमानदुरुपयोगस्य निवारणाय, समाजे जनजागरूकतां प्रसारयितुं तथा सामुदायिकसहभागितां सुदृढां कर्तुं कृतः अस्ति।

चयनिते छात्रे मास्टर ट्रेनररूपेण स्वयंसेवकान् सामान्यजनान् च मादकद्रव्याणां दुष्प्रभावेषु जागरूकान् करिष्यतः तथा नशामुक्त्यभियानं गतिमत् करिष्यतः। छात्रयोः अस्याः उपलब्धेः उपलक्ष्ये मारवाडी महाविद्यालये हर्षोल्लासस्य वातावरणम् अस्ति। महाविद्यालयस्य प्राचार्यः प्रो. (डा.) संजीवकुमारः अवदत् यत् एषा महाविद्यालयस्य कृते गौरवस्य विषयः अस्ति। तेन विश्वासः व्यक्तः यत् उभे छात्रे समाजे नशामुक्तेः विषये जनजागरूकतां प्रसारयितुं स्वस्थसमाजनिर्माणे च महत्त्वपूर्णां भूमिकां निर्वहिष्यतः।

एनएसएस कार्यक्रमपदाधिकारी सह उर्दूविभागाध्यक्षः डा. कसीम अख्तरः अवदत् यत् राष्ट्रीयसेवायोजना समाजसेवायां राष्ट्रनिर्माणकार्येषु च सदा अग्रणी वर्तते। तेन उक्तं यत् मास्टर ट्रेनररूपेण चयनिते उभे छात्रे अन्यैः स्वयंसेवकैः सह मिलित्वा मादकद्रव्यविरोधि जनजागरणाभियानं प्रभावकरूपेण सफलं करिष्यतः तथा अन्येषां विद्यार्थिनां कृते प्रेरणास्रोतः भविष्यतः। अस्याः उपलब्धेः उपलक्ष्ये महाविद्यालयस्य शिक्षकाः कर्मचारीणश्च ईशा साह तथा दिव्या महतो इत्येताभ्यां शुभकामनाः प्रदाय तयोः उज्ज्वलभविष्यस्य कामनाम् अकुर्वन्।

Hindusthan Samachar / Dheeraj Maithani