Enter your Email Address to subscribe to our newsletters
नवादा,21 जुलाईमासः (हि. स.) ।
अखिलभारतवर्षीयचन्द्रवंशीक्षत्रियमहासभायाः राष्ट्रियाध्यक्षः तथा बिहारविधानसभायाः अध्यक्षः डॉ॰ … मङ्गलवासरे अवदत् यत् चन्द्रवंशीमहासभायाः वरिष्ठनेता मनोजचन्द्रवंश्यस्य संयोजकत्वे दिल्लीनगरे निर्वाचनं सम्पन्नम्। निर्वाचनकार्यक्रमस्य आयोजनं रानीसतीमन्दिरे अङ्गूरीबागे अभवत्। कार्यक्रमे दिल्ली तथा तदासन्नप्रदेशेभ्यः समागताः शताधिकाः चन्द्रवंशीसमाजस्य प्रतिनिधयः, वरिष्ठजनाः, महिलाः तथा युवानः उत्साहपूर्वकं सहभागित्वम् अकुर्वन्।
कार्यक्रमे राष्ट्रियमहामन्त्री तथा पञ्चराज्यानां (दिल्ली, उत्तरप्रदेशः, बिहारः, झारखण्डः तथा पश्चिमबङ्गः) प्रभारी, दिल्लीप्रदेशमहासभायाः संयोजकः तथा निर्वाचनप्रभारी मनोजचन्द्रवंशी, प्रभारी रणविजयरोशनः तथा राष्ट्रियोपाध्यक्षः रणजीतचन्द्रवंशी प्रमुखरूपेण उपस्थिताः भूत्वा सङ्गठनात्मकप्रक्रियायाः सफलसञ्चालनम् अकुर्वन्।
संयोजकः मनोजचन्द्रवंशी अवदत् यत् राष्ट्रियाध्यक्षस्य अध्यक्षतायां सर्वसम्मत्या एड्वोकेट् राजसिंहचन्द्रवंशी दिल्लीप्रदेशाध्यक्षत्वेन निर्वाचितः घोषितः।
राष्ट्रियन्त्री तथा निर्वाचनप्रभारी मनोजचन्द्रवंशी निर्वाचनप्रक्रियायाः सफलसम्पादनार्थं समस्तप्रतिनिधीनां प्रति कृतज्ञतां प्रकटयन् अवदत् यत् लोकतान्त्रिकपरम्परा तथा सर्वसम्मतेः भावना सङ्गठनस्य महत्तमा सम्पत्तिः अस्ति।
अस्मिन् अवसरे निवर्तमानप्रदेशाध्यक्षः राजेन्द्रसिंहः, राष्ट्रियोपाध्यक्षः रामनिवासचन्द्रवंशी, उत्तरप्रदेशाध्यक्षः महेश्वरचन्द्रवंशी तथा राष्ट्रियोपाध्यक्षः श्रीनिवासचन्द्रवंशी इत्यादयः उपस्थिताः आसन्।
--------
Hindusthan Samachar / Dheeraj Maithani