Enter your Email Address to subscribe to our newsletters
काठमांडूः,21 जुलाईमासः(हि. स.) ।नेपालस्य प्रधानमन्त्री बालेनशाहः घोषणा कृतवान् यत् निजीशिक्षाक्षेत्रे तथा स्वास्थ्यक्षेत्रे प्रस्तावितः ३ प्रतिशतसमताकरः सम्प्रति न प्रवर्तिष्यते।
प्रधानमन्त्री मङ्गलवासरे सामाजिकमाध्यमेन उक्तवान् यत् वर्तमानपरिस्थितौ अस्य करस्य प्रवर्तनात् सामान्यनागरिकाणाम् उपरि अतिरिक्तः आर्थिकभारः भविष्यति तथा जनानां निराशा वर्धिष्यते। प्रधानमन्त्री शाहः अवदत् यत् वित्तमन्त्रिणा स्वर्णिमवाग्ले सह परामर्शं कृत्वा सम्प्रति शिक्षासमताशुल्कं तथा स्वास्थ्यसमताशुल्कं न प्रवर्तयितुं निर्णयः कृतः। तेन उक्तं यत् एषा सरकार जनविश्वासेन जनापेक्षाभिः च निर्मिता जनमुखी सरकार अस्ति। अस्माकं प्रमुखः उद्देश्यः सुशासनस्य स्थापना कृत्वा प्रत्येकनागरिकाय गुणवत्तापूर्णजीवनस्य अनुभवं प्रदातुम् अस्ति।
प्रधानमन्त्री स्पष्टतया अवदत् यत् ३ प्रतिशतसमताकरस्य उद्देश्यः दूरस्थपश्चाद्वर्तिक्षेत्रेषु निवसतां जनानां कृते उत्तमशिक्षास्वास्थ्यसेवानां प्रापणम्, दलितवञ्चितदरिद्रबालकानां साहाय्यम्, स्वास्थ्यबीमायाः विस्तारः तथा एतासां योजनानां कृते आवश्यकानाम् आर्थिकसंसाधनानां सङ्ग्रहः आसीत्। एतदतिरिक्तं करव्यवस्थायाः विस्तारं कृत्वा अर्थव्यवस्थां अधिकव्यवस्थितां कर्तुमपि शासनस्य लक्ष्यं आसीत्। तेन उक्तं यत् समताकरविषये नागरिकानां व्यापकप्रतिक्रिया असन्तोषश्च गम्भीरतया स्वीकृतौ। तेन उक्तं यत् सर्वकारो जनवाणीं श्रुत्वा अग्रे गमिष्यति तथा समानतामूलकसमाजनिर्माणस्य स्वसंकल्पे दृढा भविष्यति।
प्रधानमन्त्री शाहः अवदत् यत् शासनस्य सर्वे निर्णयाः नागरिकहितं केन्द्रे निधाय एव क्रियन्ते तथा यदि कस्यचित् निर्णयस्य कारणात् जनता असन्तुष्टा भवति तर्हि तस्मिन् सुधारं संशोधनं च कर्तुं सरकार सर्वदा सज्जा भविष्यति। तेन पुनरपि प्रतिपादितं यत् दरिद्राणां आवश्यकतायुक्तानां नागरिकानां कृते गुणवत्तापूर्णशिक्षास्वास्थ्यसेवानां उपलब्ध्यर्थं सर्वकारो निजीचिकित्सालयेषु १० प्रतिशतशय्यानां तथा निजीमहाविद्यालयविश्वविद्यालयेषु १० प्रतिशतस्थानानां पारदर्शिन्यायसङ्गतरीत्या उपलब्धतां सुनिश्चितकर्तुं नीतेः प्रवर्तने प्रतिबद्धा अस्ति।
--------
Hindusthan Samachar / Dheeraj Maithani