Enter your Email Address to subscribe to our newsletters
प्रयागराजनगरम्, २१ जुलाईमासः (हि.स.)। पारम्परिक-कुलाल-शिल्पं आधुनिक-प्रौद्योगिक्या संयोज्य कुलालान् आत्मनिर्भरान् कर्तुं उत्तरप्रदेश-मृत्तिका-कला-मण्डलेन निरन्तरं कार्यं क्रियते। अस्याः श्रृङ्खलायाः अन्तर्गतं वर्षस्य २०२६-२७ कृते प्रयागराज-जनपदे पात्रेभ्यः कुलालेभ्यः निःशुल्कं विद्युत्-चालित-चक्रम्, पगमिल-यन्त्रम् तथा उपकरण-सञ्चिकां प्रदातुं प्रक्रिया आरब्धा अस्ति।
जनपद-ग्रामोद्योग-अधिकारी जवाहरलालः मङ्गलवासरे अवदत् यत् उत्तरप्रदेश-मृत्तिका-कला-मण्डलेन जनपदाय ४५ विद्युत्-चालित-चक्राणि तथा ३ पगमिल-यन्त्राणां वितरणस्य लक्ष्यं निर्धारितम् अस्ति। तदर्थं प्राप्त-आवेदनानाम् आधारेण चयन-समित्या २३ जुलाईमासे २०२६ तमे वर्षे प्रातः ११ वादने प्रयागराजस्य विकास-भवन-सभागारे चयन-साक्षात्कारस्य आयोजनं भविष्यति।
तेन उक्तं यत् मुख्य-विकास-अधिकारिणः अध्यक्षतायां गठिता चयन-समितिः पात्र-लाभार्थिनां साक्षात्कारं कृत्वा अन्तिम-चयनं करिष्यति। सर्वेभ्यः आवेदकेभ्यः निर्धारित-समये आधार-पत्रम्, निवास-प्रमाण-पत्रम्, जाति-प्रमाण-पत्रम् तथा योग्यता-प्रमाण-पत्रं सहितम् उपस्थातुं अनुरोधः कृतः।
जनपद-ग्रामोद्योग-अधिकारी जवाहरलालः अवदत् यत् योगी-सर्वकारस्य एषा योजना पारम्परिक-कुलाल-व्यवसायं नवीन-प्रौद्योगिक्या संयोजयितुं, शिल्पिनाम् आयं वर्धयितुं तथा तान् आत्मनिर्भरान् कर्तुं महत्त्वपूर्णं पदम् अस्ति। आधुनिक-विद्युत्-चालित-चक्रस्य पगमिल-यन्त्रस्य च लाभेन उत्पादानां गुणवत्ता उत्पादन-क्षमता च वर्धिष्यते, येन स्थानीय-कुलालेभ्यः उत्तम-रोजगार-अवसराः विपणिश्च उपलब्धा भविष्यति।
सर्वकारस्य अस्य प्रयत्नस्य फलस्वरूपं प्रयागराजस्य पारम्परिक-मृत्तिका-कला-शिल्पिनः आधुनिक-संसाधनानां लाभं प्राप्स्यन्ति तथा तेषाम् आजीविकायाः नूतना दृढता भविष्यतीति आशा अस्ति।
Hindusthan Samachar / Divya Ranjan