हल्द्वानीनगरम्, २१ जुलाईमासः (हि.स.)। पर्यावरण-संरक्षणस्य विषये जनजागरूकतां वर्धयितुम् सेल्फ-रिलायन्स-इनिशिएटिव्स इति संस्थया सोमवासरे राजकीय-बालिका-अन्तर-महाविद्यालये, गोरापडाव-क्षेत्रे, बृहद्-वृक्षारोपण-कार्यक्रमः आयोजितः। अस्य कार्यक्रमस्य विषयः ‘आगच्छत, पृथिवीं पुनः हरितां कुर्मः’ इति आसीत्।

कार्यक्रमस्य समये छात्राभिः विद्यालय-परिसरे विविध-प्रजातीनां छायाप्रदान-फलप्रदाता-वृक्षाणां रोपणं कृतम्। ‘एकं वृक्षं भवन्तः रोपयन्तु’ इति सङ्कल्पेन सह प्रतिभागिभिः रोपित-वृक्षाणां संरक्षणस्य नियमित-परिपालनस्य च सङ्कल्पः अपि कृतः।

विद्यालय-प्रबन्धनेन उक्तं यत् अस्य अभियानस्य उद्देश्यं केवलं वृक्षारोपणं न, अपितु छात्रासु प्रकृतिं प्रति प्रेम्णः, पर्यावरण-संरक्षणस्य उत्तरदायित्वस्य, वृक्षाणां सतत-परिपालनस्य च भावनायाः विकासः अस्ति। अद्य रोपिताः एते वृक्षाः भविष्यत्-वंशानां कृते धरोहररूपेण संरक्षिताः भविष्यन्ति।

कार्यक्रमस्य अन्ते छात्राभिः पर्यावरण-संरक्षणस्य सङ्कल्पः स्वीकृतः। अभिभावकैः शुभचिन्तकैश्च अस्य प्रयत्नस्य प्रशंसा कृता तथा एतादृशानाम् अभियानानां नियमिततया सञ्चालनस्य आवश्यकता प्रतिपादिता।

अस्मिन्नवसरे संस्थायाः अध्यक्षा तनुजा-जोशी, ऊषा-मुकेश:, रिम्पी-बिष्टः, कौशलेन्द्र-भट्टः, विद्यालयस्य शिक्षिकाः रजनी-पाण्डे, पुष्पा-भैंसोरा, सुमन-जोशी, प्रेमलता-जोशी, शगुफ्ता, हेमा-पाण्डे, इन्दु-त्रिकोटी, माया-उप्रेती च, छात्राः, अभिभावकाः, अन्ये शुभचिन्तकाः च सहभागिनः अभवन्।

Hindusthan Samachar / Divya Ranjan