हरिद्वारम्, 21 जुलाईमासः (हि.स.)।

उत्तरहरिद्वारस्थिते दुर्गाफकीरीधाम्नि ऋणमेला स्वजीविकाजागरूकताशिविरं च आयोजितम्। भाजपानेता विदितशर्मणः संयोजने आयोजितस्य शिविरस्य उद्घाटनं महानगरव्यापारमण्डलस्य जिलाध्यक्षः सुनीलसेठी तथा भाजपानिकायप्रकोष्ठस्य जिलासंयोजकः अनिरुद्धभाटी अकुरुताम्। ताभ्यां प्रदेशसरकारस्य स्वजीविकायोजनानां विषये सूचना प्रदत्ता तथा युवभ्यः आत्मनिर्भराः भवितुम् आह्वानं कृतम्।

जिलाउद्योगकेन्द्रस्य प्रबन्धकः चन्द्रमोहनः सहायकप्रबन्धकः दिनेशचन्द्रआर्यः च मुख्यमन्त्रीस्वरोजगारयोजनायाः विषये सूचनाम् अदत्ताम्। ताभ्यां उक्तं यत् द्विलक्षरूप्यकपर्यन्तऋणे पञ्चविंशतिप्रतिशतं, दशलक्षरूप्यकपर्यन्तऋणे विंशतिप्रतिशतं, पञ्चविंशतिलक्षरूप्यकपर्यन्तऋणे पञ्चदशप्रतिशतं च अनुदानं प्रदीयते। महिलाभ्यः ग्रामीणेभ्यः च अतिरिक्तं पञ्चप्रतिशतमनुदानम् अपि प्रदास्यते। शिविरे प्रायः १०४ जनान् योजनानां विषये अवगताः कृताः।

अस्मिन् अवसरे अभिषेकवर्मा, सतनामसिंहः, ललिता, अनिताशर्मा, कृष्णगोपालभारद्वाजः, जितेन्द्रकुमारः, सुनीताजोशी, शुभमचौधरी इत्यादयः उपस्थिताः आसन्।

Hindusthan Samachar / Dheeraj Maithani