Enter your Email Address to subscribe to our newsletters
ऋषिकेशः, 21 जुलाईमासः (हि.स.)।परमार्थ निकेतने मङ्गलवासरात् वेदान्त योग कोर्सस्य शुभारम्भः कृतः। देशस्य विभिन्नराज्येभ्यः आगताः योग ध्यान अध्यात्मविषयेषु जिज्ञासवः अस्मिन् भागम् अगृह्णन् तथा पर्यावरणसंरक्षणस्य सङ्कल्पम् अकुर्वन्।
परमार्थपीठाधीश्वरः स्वामी चिदानन्द सरस्वती साधकान् सम्बोधयन् अवदत् यत् वेदान्तः मनुष्यस्य आन्तरिकचेतनायाः बोधं कारयति, योगः तु स्वस्य अन्तःयात्रायाः माध्यमम् अस्ति। तेन उक्तं यत् अद्य तनावप्रबन्धनात् अधिकम् आत्मप्रबन्धनस्य आवश्यकता वर्तते। यदा मनुष्यः स्वविचारेषु स्वभावेषु जीवनशैल्यां च सन्तुलनं स्थापयति तदा तनावः स्वयमेव न्यूनः भवति।
तेन उक्तं यत् योगः केवलं शारीरिकाभ्यासपर्यन्तं सीमितः न भवेत्, अपितु जीवनस्य प्रत्येकस्मिन् विचारे व्यवहारे कर्मणि च अवतरितव्यः। तस्य मते स एव सच्चः योगः अस्ति यस्मिन् शान्तिः करुणा अनुशासनं सेवा च समन्विताः भवन्ति।
कार्यक्रमस्य समये साधकैः पौधारोपणं कृत्वा पर्यावरणसंरक्षणस्य सङ्कल्पः कृतः। स्वामी चिदानन्द सरस्वती अवदत् यत् वृक्षारोपणम् आगामिपीढीनां कृते उत्तरदायित्वं जीवनस्य च उपहारः अस्ति।
पाठ्यक्रमस्य अवधौ सहभागिभ्यः योगविज्ञानस्य ध्यानस्य भारतीयदर्शनस्य वेदान्तस्य सन्तुलितजीवनस्य च विविधविषयेषु प्रशिक्षणं प्रदास्यते।
योगाचार्या गायत्री अवदत् यत् भारतात् अतिरिक्तम् अनेकेभ्यः देशेभ्यः आगताः सहभागिनः योगेन सह भारतीयदर्शनं वेदान्तम् अध्यात्मं च ज्ञातुं जीवने च तद् आत्मसात् कर्तुम् उत्सुकाः सन्ति।
Hindusthan Samachar / Dheeraj Maithani