पूर्वीसिंहभूमिजनपदः, २२ जुलाईमासः (हि.स.)। कोल्हान-प्रदेशे शिक्षायाः, कौशलविकासस्य, जनजातीय-अस्मितायाः विकासस्य, क्रीडायाः, दिव्याङ्ग-समावेशनस्य तथा अन्येषां सामुदायिकविकास-कार्यक्रमाणां सुदृढीकरणस्य उद्देश्येन टाटा-स्टील-फाउण्डेशन तथा जमशेदपुर-कण्टीन्यूअस-अनीलिङ्ग-एण्ड-प्रोसेसिङ्ग-निर्माणी-प्राइवेट्-लिमिटेड् इत्यनयोः मध्ये बुधवासरे त्रिवर्षीयः महत्त्वपूर्णः सामञ्जस्य-सन्धि: हस्ताक्षरितः। अस्य सहभागितान्तर्गतं पूर्वीसिंहभूमि-पश्चिमीसिंहभूमि- तथा सरायकेला-खरसावां-जनपदानां स्थानीयावश्यकता-नुसारं विकासकार्य-क्रमाणां संयुक्तरूपेण परिचयं कृत्वा तेषां प्रभावी कार्यान्वयनं भविष्यति।

अस्य सन्धे: उद्देश्यं क्षेत्रस्य विकाससम्बद्ध-प्राथमिकतानां दृष्ट्या दीर्घकालिकं स्थायि-सामाजिकपरिवर्तनं सुनिश्चितं कर्तुम् अस्ति। उभे संस्थे मिलित्वा तादृशान् कार्यक्रमान् प्रवर्तयिष्यतः, येषां माध्यमेन स्थानीयसमुदायानां जीवनस्तरः उन्नीयेत तथा क्षेत्रस्य समग्रविकासः त्वरितः भवेत्।

वित्तीयवर्षे २०२६–२७ अस्य सहभागिन्तर्गतं 'मस्ती की पाठशाला', 'सबल-सेण्टर्-जमशेदपुर', 'प्रोजेक्ट्-समृद्धि', 'ज्योति-छात्रवृत्तिः', 'गोल्फ-प्रकल्पः', 'सबल-ज्ञानोदयः', चाण्डिल्-आई.टी.आई.-विद्यार्थिनां प्रायोजनसहायता तथा समीप-वर्तीसमुदायानां विकाससम्बद्धाः विविधाः कार्यक्रमाः सञ्चालयिष्यन्ते।

सन्धि-हस्ताक्षर-समारोहे जे.सी.ए.पी.सी.पी.एल.-निर्माण्याः पक्षतः प्रबन्धनिदेशकः कपिल-मोदी, कार्यनिर्वाहीनिदेशकः अकिहिको-तनिगुची, मुख्यवित्ताधिकारी प्रवीण-हेगड़े, महाप्रबन्धकः किरीट-डैक्सिनी, मुख्य-मानवसंसाधनाधिकारी विकास-कुमारः, निर्माणी-सचिवः प्रशान्त-कुमारः तथा सहायकमण्डल-प्रबन्धकः तौसीफ-इकबालः उपस्थिताः आसन्। टाटा-स्टील-फाउण्डेशन-इत्यस्य पक्षतः जनजातीय-अस्मिता-विभागस्य प्रमुखः जिरेन-जेवियर-टोपनो, कौशलविकास-प्रमुखः नाटक: अमिताभः, शिक्षाविभागस्य प्रमुखः दिब्यहास-रे तथा अन्ये अधिकारिणः अपि उपस्थिताः आसन्। समझौते जे.सी.ए.पी.सी.पी.एल.-निर्माण्याः प्रबन्ध-निदेशकः कपिल-मोदी तथा टाटा-स्टील-फाउण्डेशन-इत्यस्य मुख्यकार्यनिर्वाहक-अधिकारी सौरव-रॉय हस्ताक्षरितवन्तौ।

अस्मिन् अवसरे जे.सी.ए.पी.सी.पी.एल.-निर्माण्याः प्रबन्धनिदेशकः कपिल-मोदी अवदत् यत् निर्माणी सतत-सामुदायिकविकासाय स्वस्य निगमीय-सामाजिक-उत्तरदायित्वस्य प्रतिबद्धतां टाटा-स्टील-फाउण्डेशन-इत्यस्य सहकारेण अग्रे नेतुं गौरवं अनुभवति। तेन उक्तं यत् शिक्षा, स्वास्थ्यं, आजीविका-संवर्धनम्, पर्यावरणसंरक्षणम् इत्यादिषु क्षेत्रेषु संयुक्तप्रयत्नैः समाजे सकारात्मकं दीर्घकालिकं परिवर्तनम् आनयितुं लक्ष्यं निर्धारितम् अस्ति। एषा सहभागिता समावेशिविकासस्य उत्तरदायी-निगमीय-नागरिकतायाश्च प्रति उभयोः संस्थयोः प्रतिबद्धतां सुदृढां करिष्यति।

टाटा-स्टील-फाउण्डेशन-इत्यस्य मुख्य-कार्यनिर्वाहकाधिकारी सौरव-रॉय अवदत् यत् अस्याः सहभागिताया: माध्यमेन कोल्हान-प्रदेशस्य समुदायानां आवश्यकतानां आकाङ्क्षाणां च अनुरूपाः विकासकार्यक्रमाः निर्मास्यन्ते। तेन उक्तं यत् उभे संस्थे मिलित्वा तादृशान्यवसराणि प्रदास्यतः, येन जनानां जीवनं श्रेयस्करं भवेत् तथा च क्षेत्रे समावेशी स्थायी च विकासः प्रोत्साहनं प्राप्नुयात्। तेन अस्य संयुक्तोद्देश्यस्य कृते जे.सी.ए.पी.सी.-पी.एल.-निर्माणीं प्रति कृतज्ञता व्यक्तीकृता तथा च विश्वासः प्रकटितः यत् अयं सहयोगः भूमिस्तरे सकारात्मकफलानि प्रदास्यति।

Hindusthan Samachar / Divya Ranjan