Enter your Email Address to subscribe to our newsletters
नव दिल्ली, 22 जुलाईमासः (हि.स.)।
पूञ्जीबाजारनियामकेन सेबी संस्थया अनिवार्यनवीकरणशुल्कस्य भुगतानं न कृतवन्तः चतुस्त्रिंशत् निवेशपरामर्शदातॄणां पञ्जीकरणप्रमाणपत्राणि निरस्तानि।
भारतीयप्रतिभूतिविनिमयमण्डलेन सेबी संस्थया एकविंशतितमे जुलैमासदिने निर्गते आदेशे उक्तं यत् नवीकरणशुल्कस्य भुगतानाभावात् एतेषां निवेशपरामर्शदातॄणां पञ्जीकरणं स्वयमेव अप्रभावि अभवत् अतः तत्क्षणात् प्रभावेण तत् निरस्तं क्रियते।
सेबी संस्थया कृतायां परीक्षायां ज्ञातं यत् चतुस्त्रिंशत् परामर्शदातारः निर्धारितसमयसीमायाः अन्तर्गतं नवीकरणशुल्कं न समर्पितवन्तः। तदनन्तरं सेबी संस्थया जूनमासे एताभ्यः संस्थाभ्यः कारणदर्शयतिसूचनाः प्रेषिताः तथा उत्तरं याचितम्। पूञ्जीबाजारनियामकस्य सेबी निवेशपरामर्शदाता विनियमाः द्विसहस्रत्रयोदश इत्यस्य अधीनं पञ्जीकृतैः निवेशपरामर्शदातृभिः प्रत्येकेषु पञ्चवर्षेषु स्वपञ्जीकरणस्य निरन्तरतार्थं नवीकरणशुल्कस्य भुगतानम् अनिवार्यम् अस्ति।
अनेन निर्णयेन प्रभावितेषु निवेशपरामर्शदातृषु ऐश्वा फाइनेंशियल सर्विसेज प्राइवेट लिमिटेड एल्गो सिस्टम्स कैंडीफ्लॉस इन्वेस्टमेंट एडवाइजर्स कैपिटलविया ग्लोबल रिसर्च लिमिटेड प्रॉस्पर रिसर्च एण्ड इन्वेस्टमेंट एडवाइजर्स द जीआरएस सॉल्यूशन तथा ट्रेडक्योर फाइनेंशियल रिसर्च इत्यादयः समाविष्टाः सन्ति।
पृथगेव आदेशे सेबी संस्थया एकादश शोधविश्लेषकाणां पञ्जीकरणानि अपि निरस्तानि। पञ्जीकृतैः शोधविश्लेषकैः अपि प्रत्येकेषु पञ्चवर्षेषु नवीकरणशुल्कस्य भुगतानम् अनिवार्यं भवति।
---------------
Hindusthan Samachar / Dheeraj Maithani