Enter your Email Address to subscribe to our newsletters
मंडी, 23 जुलाईमासः (हि.स.)। आर्ट ऑफ़ लिविंगद्वारा सञ्चालितः ओजस्विनी वुमन क्लबः नेरचौकः स्वस्य सेवाभावं मानवतायाश्च आदर्शं प्रवर्धयन् बीपीओ नागचला निवासी स्वर्गीय अनन्तरामपुत्राय रमेशकुमाराय स्वस्य सेवा निधेः दशसहस्ररूप्यकाणां आर्थिकसाहाय्यं प्रदत्तवान्।
क्लबस्य प्रधाना गायत्रीदेवी अवदत् यत् प्रायः मासपूर्वं जातायां मार्गदुर्घटनायां रमेशकुमारस्य शरीरे पञ्चस्थानेषु अस्थिभङ्गः अभवत्। तेन दीर्घकालपर्यन्तम् उपचारस्य विश्रान्तेश्च आवश्यकता वर्तते। सः परिवारस्य एकमात्रः उपार्जकः अस्ति, अतः तस्य समक्षं परिवारभरणपोषणस्य चिकित्साव्ययस्य च गम्भीरा समस्या समुत्पन्ना।
अस्मिन् विषमे काले ओजस्विनी वुमन क्लबः संवेदनशीलतां सेवाभावं च प्रदर्श्य तस्मै आर्थिकसहयोगं प्रदत्तवान्। अयं क्लबः वर्षतः २०१९ आरभ्य निरन्तरं समाजस्य आवश्यकताग्रस्तानां, असहायानां, संकटग्रस्तानां च जनानां साहाय्यार्थं समर्पितभावेन कार्यं करोति।
अस्मिन् अवसरे क्लब इत्यस्य प्रधाना गायत्रीदेवी अन्याश्च सदस्याः उपस्थिताः आसन्।
---------------
Hindusthan Samachar / Dheeraj Maithani