बेमेतरा, 23 जुलाईमासः (हि.स.)।

जिलायाः निर्जीविकयुवजनानां कृते अद्य जीविकाप्राप्तेः सुवर्णावसरः अस्ति। जिलारोजगारकार्यालयस्य तत्त्वावधानेन शासकीयऔद्योगिकप्रशिक्षणसंस्थायां बेमेतरानगरे अद्य गुरुवासरे प्रातः १० वादनात् अपराह्णे ३ वादनपर्यन्तं रोजगारमेलकस्य आयोजनं क्रियते।

अस्मिन् जीविकामेलके निजीक्षेत्रस्य विविधाः प्रतिष्ठिताः संस्थाः सहभागं करिष्यन्ति। यत्र ३०० अधिकेषु रिक्तपदेषु योग्याभ्यर्थिनां चयनं भविष्यति। जिलारोजगारकार्यालयः केवलं नियोजकेभ्यः आवेदकेभ्यः च मध्ये सम्पर्कमञ्चं प्रददाति। चयनस्य वेतनस्य कार्यस्य स्वरूपस्य सेवासम्बद्धानां अन्येषां शर्तानां च सूचना सम्बन्धितकम्पन्याः प्रतिनिधिभ्यः मेलके एव प्राप्तुं शक्यते।

जीविकामिच्छुकाभ्यर्थिभ्यः अनुरोधः कृतः यत् ते रोजगारकार्यालयस्य पञ्जीयनपत्रं छत्तीसगढनिवासप्रमाणपत्रं जातिप्रमाणपत्रं यदि प्रयोज्यम् अस्ति तर्हि तत् तथा समस्तानि शैक्षणिकमूलप्रमाणपत्राणि सह निर्धारितसमये शासकीयऔद्योगिकप्रशिक्षणसंस्थां बेमेतरानगरम् उपस्थित्य अवसरावसरस्य लाभं गृह्णन्तु।

Hindusthan Samachar / Dheeraj Maithani