Enter your Email Address to subscribe to our newsletters
रायपुरम्, 23 जुलाईमासः (हि.स.)।
लोकमान्यबालगङ्गाधरतिलकस्य जयन्त्यां वित्तमन्त्री ओपी चौधरी महोदयः तस्मै प्रखरराष्ट्रभक्ताय, महान् स्वातन्त्र्यसङ्ग्रामसेनानिने, समाजसुधारकाय, प्रख्यातविचारकाय च सादरं श्रद्धाञ्जलिम् अर्पितवान्।
सः उक्तवान् यत् लोकमान्यबालगङ्गाधरतिलकः भारतीयस्वातन्त्र्यसङ्ग्रामं जनजनस्य आन्दोलनरूपेण प्रतिष्ठापयितुं ऐतिहासिकां भूमिकाम् अवहत्। तस्य अमरोद्घोषः “स्वराज्यं मम जन्मसिद्धोऽधिकारः, तच्चाहम् अवश्यं प्राप्स्यामि” अद्यापि प्रत्येकस्य भारतीयस्य हृदये राष्ट्रभक्तेः स्वाभिमानस्य च भावं जागरयति।
वित्तमन्त्री अवदत् यत् लोकमान्यतिलकस्य जीवनं राष्ट्रसेवायाः, त्यागस्य, साहसस्य, जनजागरणस्य च अनुपमम् आदर्शम् आसीत्। शिक्षाक्षेत्रे, सामाजिकचेतनायाः संवर्धने, राष्ट्रियैक्यस्य सुदृढीकरणे च तस्य योगदानं सर्वदा स्मरणीयम् भविष्यति।
अन्ते वित्तमन्त्री ओपी चौधरी उक्तवान् यत् लोकमान्यबालगङ्गाधरतिलकस्य आदर्शाः, विचाराः, राष्ट्रसमर्पणभावश्च आगामिसंततीनां देशहिताय जनसेवायै च निरन्तरं प्रेरणास्रोतोरूपेण भविष्यन्ति।
---------------
Hindusthan Samachar / Dheeraj Maithani