भोपालनगरम्, २३ जुलाईमासः (हि.स.)। मध्यप्रदेशस्य क्रीडा-युवा-कल्याणमन्त्री विश्वासकैलाशसारङ्गः गुरुवासरे नाथुबरखेडा-स्थितस्य निर्माणाधीनस्य अन्ताराष्ट्रिय-क्रीडा-सङ्कुलस्य निरीक्षणं कृत्वा निर्माणकार्याणां तथा प्रस्तावितायाः महिला-एशियाई-चैम्पियनशिप-स्पर्धाया: सिद्धतानां समीक्षाम् अकरोत्।

मन्त्रीणा अधिकारिभिः निर्माणसंस्थायाः प्रतिनिधिभिश्च सह क्रीडा-अधोसंरचनायाः, सुरक्षाव्यवस्थायाः, क्रीडकानां सुविधानां तथा निर्माणकार्यस्य प्रगतेः समीक्षा कृता। सर्वाणि कार्याणि निर्धारितसमये उच्चगुणवत्तया अन्ताराष्ट्रियमानकानुसारं सम्पादयितुं निर्देशाः अपि प्रदत्ताः।

सारङ्गः अवदत् यत् क्रीडा-सङ्कुलस्य प्रथमचरणस्य शीघ्रमेव लोकार्पणं भविष्यति। तदनन्तरम् एथलेटिक्स-हॉकी-पादकन्दूक-क्रीडाणां गतिविधयः आरप्स्यन्ते। एताः सुविधाः प्रदेशस्य क्रीडकाणां विश्वस्तरीय-प्रशिक्षणाय राष्ट्रिय-अन्ताराष्ट्रिय-प्रतियोगितानां सिद्धतायै च साहाय्यं करिष्यन्ति।

महिला-एशियाई-चैम्पियनशिपस्पर्धाया: सिद्धतां समीक्ष्य मन्त्री निर्देशान् अयच्छत् यत् प्रतियोगितायाः पूर्वमेव क्रीडापथः, हॉकी-टर्फ, पादकन्दूक-प्रांगणम्, परिवर्तनकक्षाः, चिकित्सासुविधाः, प्रेक्षकदीर्घाः, प्रकाशव्यवस्था, सुरक्षा, पेयजलम्, वाहनस्थापनस्थानं तथा अन्याः आवश्यकसुविधाः समये सम्पूर्णाः क्रियन्ताम्। गुणवत्तायाः समयसीमायाश्च पालनं कठोरतया सुनिश्चितं भवेदिति अपि तेन उक्तम्।

Hindusthan Samachar / Divya Ranjan