Enter your Email Address to subscribe to our newsletters
ग्लास्गोनगरम्, २३ जुलाईमासः (हि.स.)। राष्ट्रमण्डल-क्रीडा-२०२६ इत्यस्य द्वितीये दिने शुक्रवासरे भारतीय-क्रीडकाः अनेकासु स्पर्धासु स्वकीयां स्पर्धां प्रस्तोष्यन्ति। भारतीय-दलस्य क्रीडकाः व्यायामकला, जलतरणम्, दिव्याङ्ग-जलतरणम्, दिव्याङ्ग-शक्त्योत्थापनम्, लॉन-बॉल्स तथा मुष्टियुद्धे सहभागं करिष्यन्ति।
दिवसस्य आरम्भः पुरुष-दल-व्यायामकला-अर्हता-स्पर्धया भविष्यति, यदा रात्रौ विलम्बपर्यन्तं अनेकासु पदक-स्पर्धासु भारतीय-क्रीडकाः स्पर्धिष्यन्ते।
पुरुष-दल-व्यायामकलायां तपन-मोहन्ती, स्वाथिश-के.पी., तपेश्वरनाथ-दासः तथा योगेश्वर-सिंहः भारतस्य प्रतिनिधित्वं करिष्यन्ति।
जलतरणे श्रीहरि-नटराजः पुरुषाणां ५० मीटर पृष्ठ-जलतरणस्य अर्हता-स्पर्धायां भागं ग्रहीष्यति तथा अर्हतां प्राप्य उपान्त्य-स्पर्धायामपि स्पर्धिष्यते।
दिव्याङ्ग-जलतरणे रवि-वीरा-वेङ्कट-भवानी-कार्तिक-बुडिग्ना तथा इमाम-अली पुरुषाणां एस-१३ वर्गस्य १०० मीटर मुक्त-जलतरणे प्रथमम् अर्हता-स्पर्धायां, ततः अर्हतां प्राप्य अन्तिम-स्पर्धायां सहभागं करिष्यतः।
दिव्याङ्ग-शक्त्योत्थापने भारतस्य प्रमुखा पदक-आशा भविष्यति। पुरुष-लघुभार-वर्गे अशोकः तथा परमजीत-कुमारः, महिला-लघुभार-वर्गे जसप्रीत-कौरः तथा सुमन-देवी, महिला-गुरुभार-वर्गे कस्तूरी-राजामणिः, पुरुष-गुरुभार-वर्गे च सुधीरः झाण्डू-कुमारश्च पदकार्थं स्पर्धिष्यन्ते।
लॉन-बॉल्स-क्रीडायां महिला-युगल-स्पर्धायां पिंकी तथा रूपा-रानी-तिर्की दक्षिण-अफ्रीका-देशस्य युगलेन सह स्पर्धेते, पुरुष-एकल-स्पर्धायां च पुतुल-सोनोवालस्य समक्षं फॉकलैण्ड-द्वीपसमूहस्य सेसिल-अलेक्जेण्डरेण सह भविष्यति।
मुष्टियुद्धे पुरुषाणां ५५ किलोग्राम-भारवर्गस्य द्वात्रिंशत्-चक्रे जादुमणि-सिंहः स्कॉटलैण्ड-इत्यस्य आरोन-कुलेनस्य विरुद्धं स्पर्धिष्यते।
राष्ट्रमण्डल-क्रीडा-२०२६ : २४ जुलाईमासस्य भारतीय-क्रीडकाणां कार्यक्रमः (भारतीय-समयानुसारम्)
भारतीय-क्रीडकानां स्पर्धाः भारतीय-समयानुसारं अपराह्णे २:३० वादनतः आरभन्ते।
दिवसस्य आरम्भः पुरुष-दल-व्यायामकलया भविष्यति। ततः ३:४० वादने दिव्याङ्ग-जलतरणे रवि-वीरा-वेङ्कट-भवानी-कार्तिक-बुडिग्ना तथा इमाम-अली, ३:५६ वादने जलतरणे श्रीहरि-नटराजः, ५:४० वादने दिव्याङ्ग-शक्त्योत्थापने अशोकः तथा परमजीत-कुमारः स्पर्धां करिष्यतः।
सायं ७:२४ वादने महिला-दिव्याङ्ग-शक्त्योत्थापने जसप्रीत-कौरः तथा सुमन-देवी, ७:३० वादने लॉन-बॉल्स-क्रीडायां पिंकी तथा रूपा-रानी-तिर्की स्पर्धेते।
रात्रौ १०:०० वादने व्यायामकलायाः अन्तिम-स्पर्धा, १०:२० वादने पुरुष-लॉन-बॉल्स-एकल-स्पर्धायां पुतुल-सोनोवालः।
रात्रौ १०:४० वादने महिला-दिव्याङ्ग-शक्त्योत्थापने कस्तूरी-राजामणिः तथा ११:०० वादने पुरुषाणां ५५ किलोग्राम-भारवर्गस्य मुष्टियुद्धे जादुमणि-सिंहः स्पर्धिष्यते।
तथैव २५ जुलाईमासस्य रात्रौ १२:०० वादने (अर्हता-प्राप्तौ) दिव्याङ्ग-जलतरणस्य सम्भाव्य-अन्तिम-स्पर्धा तथा १२:२९ वादने पुरुष-दिव्याङ्ग-शक्त्योत्थापनस्य गुरुभार-वर्गीय-अन्तिम-स्पर्धायां सुधीरः तथा झाण्डू-कुमारः भारतस्य प्रतिनिधित्वं करिष्यतः।
Hindusthan Samachar / Divya Ranjan