बलियानगरम्, २४ जुलाईमासः (हि.स.)। मध्यप्रदेशस्य राजधान्यां भोपालनगरस्य भाजपाजनपदाध्यक्षः बलियानिवासी च रविन्द्र-यतिः उत्तरप्रदेशस्य योगी-आदित्यनाथ-सर्वकारस्य कार्याणि प्रशंसन् अवदत् यत् प्रदेशे विधि-व्यवस्था पूर्वापेक्षया अत्यन्तं सुदृढा अभवत्। तेन उक्तं यत् अपराधेषु प्रभावी-नियन्त्रणस्य कारणात् सामान्यनागरिका अधिकं सुरक्षितम् अनुभवन्ति।

स्वग्रामम् आगतः रविन्द्र-यतिः वार्तालापे अवदत् यत् योगी-सर्वकारेण विधि-व्यवस्थायै सर्वोच्च-प्राथमिकता प्रदत्ता। अपराधिनां विरुद्धं कठोरकार्यवाह्याः प्रभावः सम्पूर्णे प्रदेशे दृश्यते, येन निवेशस्य विकासस्य च वातावरणम् अपि अधिकम् अनुकूलम् अभवत्।

तेन उक्तं यत् उत्तरप्रदेशे मार्गाधारभूत-संरचनाक्षेत्रेऽपि उल्लेखनीयानि कार्याणि कृतानि। ग्रामेभ्यः आरभ्य नगरेभ्यः यावत् मार्गजालं विस्तारितम् अस्ति तथा द्रुतमार्गैः सह अनेकाभिः विशाल-परियोजनाभिः प्रदेशस्य सम्पर्कव्यवस्थायै नूतन: परिचय: प्रदत्त:। अनेन जनानां यात्रा सुगमा अभवत् तथा वाणिज्यिक-क्रियाकलापाः अपि गतिम् अलभन्त।

रविन्द्र-यतिः विश्वासं प्रकटितवान् यत् विधि-व्यवस्थायाः आधारभूत-सुविधानां च सुदृढीकरणस्य दिशि सर्वकारः अग्रेऽपि एतादृश्यैव गत्या कार्यं करिष्यति, येन उत्तरप्रदेशः विकासस्य नूतनान् आयामान् स्थापयिष्यति। तेन जनपदे प्रचलद्भिः विकासकार्यैः सम्बद्धानां स्थानीय-भाजपा-नेतृणां प्रशंसा कृता। सः उक्तवान् यत् समग्रभारतस्य सह बलियापि विकासस्य पथि निरन्तरम् अग्रसरः अस्ति।

Hindusthan Samachar / Divya Ranjan